Блог
Бубадин веси
«Са касди масадакай ягьанатзаватIа, ам виляй вегьиз алахъзаватIа, вун гьасятда адан чIалахъ жемир. Сифте а гаф лугьузвайдини адаз виляй вегьиз кIанзавайди терездал тур, аку гьи хел залан къведатIа. И кьведан акунарни крар, абур нихъ галаз ацукьиз-къарагъзаватIа тупIалай ая. Ахпа и ягьанат арадал гъанвай себебдихъ гелкъуьгъ. Ваз адан маяда пехилвал жагъида. Пехилвал руьгьдин начагъвал я. Ада инсандин кьарай атIуда, адан къилихар дегишарда, адав акьулдивай кьатIуз тежедай хьтин фасикьвилер ийиз тада. Ихьтинбурувай яргъал хьун герек я. Вучиз лагьайтIа абурун кIирина гьатайбурни и начагъвили кьун мумкин я.»
Аллагди рагьмет авурай ваз, чан буба, ихьтин веси авур.
