Müəllif mahnıları


Лезгинкадал илига
İfa edir Решад Ибрагимов и Эльвина Гейдарова Yüklə

I

Ягъ, я стха, «Лезгинкадал» илига,

И макьамдин аламатдиз килига.

Далдамдинни зуьрнедин ван атайла,

Адан аваз зи дамарра гьатайла,

Чил зурзада, зи кIвачериз звер къведа,

Шад жеда зун, зи вилериз хъвер къведа.

Припев:

Лезгинка, «Лезгинкадал» илига,

Лезгинка, «Лезгинкадал» илига.

II

Ягъ, я стха, «Лезгинкадал» илига,

Ви ялавдик куькIуьра зун, алуга.

Элкъуьра зун, гелкъуьра зун, галуда,

Вири дердер зи рикIелай алуда.

И макьамди авурай зун бахтавар,

Ван атана, агатрай зав зи тавар.

Зи халкьдикай мани
İfa edir Решад Ибрагимов Yüklə

I

Агата завди дуст, эй къариб мугьман,

Ихтилат ийин за, ви рикI ацIурай.

Гьи жуьре мисалар, гьихьтин кьисаяр

Рахан хьи, ваз анай зи халкь акурай?

Припев:

Зи заха халкьдикай, сая халкьдикай,

Гьар са чIал са ширин баяд халкьдикай,

Зи Кьуьчхуьр, зи Эмин, Саяд халкьдикай

Ваз хабар атурай, суракь атурай.

II

Ваз квекай гафин за, эй къариб мугьман,

Арха я заз даим зи чIал - зи лукьман.

Ватандин къванерал гъидай кьин, иман,

АватIа, на маса са халкь жагъура.

Асса
İfa edir Джамиля Залова Yüklə

I

Са рушани са гадади

Кьуьл ийизвай чи къайдадив.

Лугьун тийиз са гаф маса,

Гьарайзавай «Асса! Асса!»

Йигин кьуьлун чаз хас я,

Асса, кьегьалар, асса!

Кьуьлзавайд кьегьал кас я,

Асса, таватар, асса!

II

Цавай чилел эвичIнавай

Кьве лекь тиртIа кьве масанди?

ВикIегьдаказ лув ахъайна

Сирнавзавай хупI хъсандиз.

И успагьи кьуьлуьни гьикI,

Юзурзавай къеневай рикI.

Аван ихьтин са кьуьл маса?

Асса, «Лезгинка», асса!

III

КIвачерикай хкатиз руг,

Са кьуьлуьна са халкьдин руьгь,

Къачуз жени гьунар маса?

Асса, лезгияр, асса!

Йигин кьуьлуьн чаз хас я,

Асса, кьегьалар, асса!

Кьуьлзавайд кьегьал кас я,

Асса, таватар, асса!

Амач лагь
İfa edir Джавахир Абдулова Yüklə

I

Залай гъейри садни

РикIе твамир, яр.

Хъсандни, масандни

Агуд мийир, яр.

Припев:

Цавай авата,

Завди агата,

Чарад кIамач лагь, яр.

Вахъ сад аватIа,

Масад аватIа,

Амач, амач лагь, яр.

II

Вуна чара са тахт

Хиялдиз гъимир, яр.

Гъиляй ахъайна бахт,

Яргъариз фимир, яр.

III

Иер вилеривди

Патанбур хуьмир, яр.

Кьисмет гъилеривди

Чарадав гумир, яр.

Дидедин чIал
İfa edir Джавахир Абдулова Yüklə

I

Зи гафарихъ яб це, зи хва,

Лезги чIалав аламат гва.

Гьатун патал и ашкъ чанда,

Вун адан цIу кана кIанда.

Припев:

Дидедин чIал, дидедин чIал,

Чан зи хайи дидедин чIал.

Дигедин чIал, дигедин чIал,

Чан зи хайи дигедин чIал.

II

Ваз хайи чIал кIан хьухь, зи хва,

Ам диде хьиз на хуьх, зи хва.

КьатIутI вуна адан сесер,

Ийидайвал рикIиз эсер.

III

Гьар гьарфунихъ ава аваз,

Гьар гаф мили шиир я ваз.

Хайи чIалан суьгьуьрдаваз,

Уьмуьр гьала бахтавар яз.

Къаварилай къаваралди
İfa edir Эльвина Гейдарова Yüklə

I

Къаварилай къаваралди,

ГьикI фида ви магьледай яр?

Чими гьиссер гатфаралди

Акъуда на дегьнедай, яр.

II

ЧIаварилай чIаваралди,

Кьамир на жув винидай, яр.

Чун сад садаз халкьнавайд я,

Сад Аллагьди бинедай, яр.

III

Цаварилай цаваралди.

Рагъ хьана ша гуьнедай яр.

Вири дуьнья ацIудайвал,

Ви нефесдин гьуьмедай, яр.

Жедайди туш
İfa edir Решад Ибрагимов Yüklə

Гьар заланвал пар жедайди туш,

Гьардавай рикI тIар жедайди туш,

Гьар цуькведихъ бар жедайди туш,

Гьар са багъда нар жедайди туш.

Гьар кьегьалдив тар жедайди туш,

Гьар таватдив квар жедайди туш,

Гьар шагьвардик гар жедайди туш,

Гьар марфадик хар жедайди туш.

Ашкъ атана
İfa edir Эльвина Гейдарова Yüklə

Зи гьиссери зун,

Мад юзурзава.

Алахъна вили

Сад жагъурзава

Зи хиялри икI,

РикI ацIурзава.

Зун аялдай кьаз

Мад алцурзава.

ГъикI эверда,

Ша лагьана?

РикI къачудан

Це лагьана?

Къарагъна са къуз

Муьгьуьббатдин гар

«КIаниди» лугьуз,

Агатна зав яр

И гафари зи

Кьил элкъуьрзава.

Гагь шерзум ийиз,

Гагь хъуьруьрзава.

Зи вил галай

Гад атана.

Зи булахдиз

Яд атана.

Суракьда ава,

Зун гатун цикIин.

Къачунва куьлег

Сада зи рикIин.

Лув гуз ава зун,

Хиялрин цава.

Лувар хайитIа,

Эх жени завай?

Зун я лугьуз

Рак катана,

Зи уьмуьрдиз

Ашкъ атана.

Дагъвияр
İfa edir "Сувар" Yüklə

Дагъвияр

I

Вучиз чун хиялри ялда яргъарихъ?

Вучиз чаз гирвеяр, кукIушар кIанда?

КIамара, аскIанра кьарай квахьда чи,

Кьакьанрив гьуьжетун ава чи чанда.

Припев:

Дагъвияр, дагъвияр, кьакьанрихъ ялзавайбур,

Лекьер хьиз дагъларин рагарал кIвалзавайбур.

II

Вучиз чи рикI ала синерал икьван?

Такуна эх женни къацу яйлахар?

Дагъларай яргъара бахт авачирдан

Гьахълу яз авунва дагъви чIалахъар.

Къведа жал?
İfa edir Джамиля Залова Yüklə

Къведа жал?

I

Зи вил рекьи тухузва,

Яраб зи яр къведа жал?

Зи вил галай кIанида,

Закай хабар кьада жал?

Припев:

Къведа жал, къведа жал?

Яраб зи яр къведа жал?

Кьада жал, кьада жал?

Закай хабар кьада жал?

II

Агат тийиз зи патав,

Мадни хатур хада жал?

Яб тагана фейитIа,

За адан тIвар кьада жал?

III

Зи вил галай кIанида,

Зи вил рекье тада жал?

Зун атIана, чаради

Ада рикIе твада жал?

Дагълар
İfa edir Джамиля Залова Yüklə

Дагълар

I

Цифер атайла чи патаризди,

Гиманар фида чи яргаризди,

Дегь береяр хьиз чи хиялризди

Мурадрин саягъ элцифда дагълар.

Припев:

Лезгидин ухшар авай

Чи кьакьан дагълар.

Такабурдин зар алай

Чи масан дагълар.

II

Агъзур йисар я алаз чи кьилел,

Шарвилиди хьиз хуьзва чи чилер,

Алаз хурудал алпандин гелер

Чи руьгьдин кIвализ илифда дагълар.

Припев:

Къуьн-къуьневай кьегьалар,

Чи рехи дагълар

Лекьер хуьзвай рагарал,

Чи чIехи дагълар.

Ватандин чил
İfa edir Джамиля Залова Yüklə

Ватандин чил

I

И дуьньяда чилер пара,

А чилерал эллер пара,

Рекьер пара, гелер пара,

Сад кьилинд я - Ватандин чил.

Припев:

Вакай зи вил атIудач гьич,

Вун квачир уьмуьр мичI я, мичI.

Бес вучиз садбур жезва куьч,

Гъурбатдиз, зи Ватандин чил?

II

Яргъара бахт авайди туш,

А бахт садаз жагъайди туш,

Гъурбатди дад гудайди туш,

Ватандай кьаз патандан чил.

III

Тек вав гвайд я зи руьгьдин ван,

Руьгь авачтIа, куьз я зи тан?

Вишра вазди лагьайтIа “чан”,

Галатдач зун, Ватандин чил.

Жегьилвал
İfa edir "Сувар" Yüklə

Жегьилвал

I

Вуч иердиз дамахнава

Цуькверивди яйлахри.

Мад гатфарин манийрал

Илигнава булахри.

Припев:

Ялзава къе чуьллери

Чи жегьилар ялзава.

Абрун хура звал къачуз

Гур гьиссери къалзава.

II

Гьар руш цуьк я яйлахрин.

Гьар гада са кару я.

Муьгьуьббатдин цикай хъванвай

Жегьилар хупI хару я.

Мехъер
İfa edir Руслан Пирвердиев Yüklə

Мехъер

I

Мехъер я дустар, къе мехъер,

Лув гана ша фад лекьер.

Цуькведи кьурай куь рекъер,

Ахъа хьурай куь рикIер.

Припев:

«Чан» лугьуз, «чан» лугьуз,

Чан чи свас, чи чам лугьуз.

Агатрай вири рушар,

Цавун гъетериз ухшар.

II

Гурлудаказ ягъан капар,

Демина вегьин лабар.

Аватна хурай къапар,

Ава мадни шад хабар.

III

Лезгидиз мехъер мел я, мел,

Хвешизвайди эл я, эл.

ЦIийиз туькIуьрай гьар хизан

Чилин винел гел я, гел.

Серинда
İfa edir Эльвина Гейдарова Yüklə

Серинда

I

Накь рагъ авай, къе серинда

Къе серинда, яр серинда.

Зи рикIевай хер деринда,

Хер деринда, яр деринда

Вили кьуна, рикIи кьурда

РикI хана зи са геренда.

Зи рикIе кьацI авуртIани,

Яр ширинда, яр ширинда.

II

И бахтавар хуьр гадарна,

Вун яргъариз физвани, яр?

Эвел кьиляй зун кIан хьана,

Гила масад гъизвани, яр?

Ваз ви цIийи кIанидикай

Зи ухшарар къвезвани, яр?

Я тахьайтIа вунни зун хьиз

Йиферизди шезвани, яр?

II

Гьар акурдаз дерт ахъайна,

Лугьуз жедач жузуналди.

Сад Аллагьдиз чида, за ви

Рекьер хвейди шазаналди.

Чалаг ягъиз вили лифер

Цавай физва лужуналди.

Зун бубади са чарадаз

Гузва гила гужуналди.

Заз яр ава, яргъарава
İfa edir "Сувар" Yüklə

Заз яр ава, яргъарава

I

Заз яр ава, яргъарава,

Чи арада дагълар ава.

Яр авай пад гуьлуьшан я,

Чи патара маргъар ава.

II

Рагъ атайла циф элцифда,

Гъам атайла рикI къекъифда.

Зи хиялар гьа санихъ я,

Ярдин кьилив гьикI илифда?

III

Мад алукьна алахьай къар,

Жив дагъдивай къакъатна, яр.

Ви гелери цуьк акъудрай,

Зи рикI къеняй акъатна, яр.

IV

Заз яр ава, яргъарава,

Гьар йифиз зи ахварава.

Низ ахъайин зи рикIин дерт,

Заз яр ава, яргъарава.

Чан зи ягъалди
İfa edir Джамиля Залова Yüklə

Чан зи ягъалди

I

Бахтунин дагълар кьуна маргъалди,

Фена вун мадни, фена яргъариз.

Гуьнеяр туна гьахьмир даркалдиз,

Чан зи ягъалди, чан зи ягъалди.

Припев:

Авани ваз лагь, залай мукьвади,

КьатIмир зи гьиссер вуна мукалдив.

КIар хьайтIа садра, женни акализ,

Чан зи ягъалди, чан зи ягъалди.

III

Мад хатур хана зи, кIвелай вуна,

Туна зун ялгъуздиз, рикIин пер хьана.

Вуч гьатна ви гъиле, зав гъам вугана,

Чан зи ягъалди, чан зи ягъалди.

Припев:

Лугьумир, дуьньядин рекьер пара я,

Лугьумир, вахъ кудай рикIер пара я.

Уьмуьрдин саврухар, мекьер пара я,

Чан зи ягъалди, чан зи ягъалди.

КIанда лугьуз
İfa edir Джавахир Абдулова Yüklə

КIанда лугьуз

I

КIанда лугьуз дадмир икьван,

КIанивили галудда вун.

КичIезва заз, и ашкъиди,

БалкIандилай авудда вун.

Гьазурбуру ийиз къастар,

Чи арадай чIугда часпар.

Элкъведа вал гьа ви дустар,

Эхир кьиляй акъудда вун.

Припев:

ХъуьтIуьн цикIиз гадмир на,

Жуваз икьван гьадмир на,

КIанда лугьуз дадмир вуна.

II

Амач захъ са гаф - жагъурдай.

ГьикI акьан зун ви гъавурда?

И дуьньяда вуч авуртIа,

На рикIелай алудда зун?

Гьазурбуру ийиз къастар,

Чи арадай чIугда часпар.

Элкъведа вал гьа ви дустар,

Эхир кьиляй акъудда вун.

«Сувар»ин гимн
İfa edir "Сувар" Yüklə

«Сувар»ин гимн

I

Чун санал хьун мел-мехъер я, сувар я,

Квез макьамар ягъазвайди «Сувар» я.

Къе чи чIалан, чи макьамрин сувар я,

Агалкьунар тIалаб ая «Сувар»из,

Куьн атурай, Рагъ атурай сувариз.

II

Къени хьурай куь кIвалер-къар, суварар,

Макьамри квехъ кутадайвал луварар,

Чан хайибур, чан кьегьалар, таварар,

Квез макьамрин кIунчIар гъурай «Сувар»и,

Куь рикIера гелер турай «Сувар»и.

Къафкъаз
İfa edir Джамиля Залова Yüklə

Къафкъаз

I

Са бахтавар чил ава,

Адахъ шумуд эл ава,

Дегь тарихда гел авай

Рагъ я ам, чи варз я ам.

Припев:

КIукI цаварив агакьдай дагълар авай,

Бул вилерив диганвай багълар авай,

Кьил вине хуьз алакьдай халкьар авай,

Дустар вичихъ агуддай яргъаравай

ТIвар вани Къафкъаз я ам,

Бахт я ганвай чазди ам,

РикIин къене таз я ам,

Чаз кIани Къафкъаз я ам.

II

Ам чи муг я, чи ватан,

И ашкъ рикIин къене тван.

Дуьньядиз чкIанва ван,

Чи дине Къафкъаз я ам.

III

Ина вири руьгь кьакьанд,

Жагъидач сад ам такIанд,

Чи несилриз - пакагьан

Эменни яз таз я ам.

Лезгияр
İfa edir Джавахир Абдулова Yüklə

Лезгияр

I

Ас-салам-алейкум, чан зи жуванбур!

Дуьньядин гьар пипIен, гьар са патанбур!

ГьикI я куь кIвалер-къар, гьикI я хизанар?

Ватандихъ цIигел яз хьанвани ялар?

Припев

ГьикI я куь рикIин гьал, хъсанзавани?

Квез халкьдин адетар масанзамани?

Лагь, куь руьгь мадни гьакI кьакьанзамани?

Лезги чIал диде хьиз квез кIанзамани?

II

Ас-салам-алейкум, чан зи лезгияр!

Дидед чIал лезгидин кьилин ризкьи я!

Квахьда чи тахьайтIа гел дуьньядилай,

Феначни шумуд са эл дуьньядилай?

Припев

ГьикI я куь рикIин гьал, хъсанзавани?

Квез халкьдин адетар масанзамани?

Къе гьунар дуьньядал тIвар тан я лезгияр!

Лезгидиз дидед чIал ватан я, лезгияр!

Гатфарин мани
İfa edir Джавахир Абдулова Yüklə

Гатфарин мани

I

Агь, вун акьван мукьвалла,

Лагь, вун кард ян мукваллай?

Вав гъил агакь тийиз,

Зи рикIин кьил тIал я.

Припев:

Гьиссер къатанва зи,

Кьарай атIанва зи.

Вун лугьур, вун лугьур

Гатфар атанва зи.

II

Агь вун дагъ я кьакьан тир,

Гьинва рехъ ви патав фир?

Мус зав гуда на сир,

Зун ийир-тийир я.

III

Агь, зун гъамлу, вун шад я,

Агь, вун такван заз гьад.

Захъ авай и дуьньядал

Текд я вун, сад я.

Ваз яр гьикI лугьун?
İfa edir Решад Ибрагимов Yüklə

Ваз яр гьикI лугьун?

I

За лагьанай агатмир зав, яр,

Зи шегьредлай алатмир вун, яр.

На лагьанай, къакъатмир вун, яр,

И ахварай аватмир вун, яр.

Припев:

Бес вуч хьана хьи, чарадаз физва вун?

И дерт гьикI эхин, цIай квачиз кузва зун.

Куьз бес чинеба, чинеба шезва вун?

ТIалди незва зун, незва зун, незва зун.

II

Вун рикIелай гьикI алудин, яр?

РикI гъамарай гьикI акъудин, яр?

Вун чарадав гьикI агудин, яр?

Вун адавай гьикI къакъудин, яр?

Припев:

Ваз яр гьикI лугьун, чарадан яр я вун,

Фад дегиш жедай гатфарин гар я вун.

Вав гъил гьикI вугун, гьикI вугун, гьикI вугун?

Ваз яр гьикI лугьун, гьикI лугьун, гьикI лугьун?

Самурдин вацI
İfa edir Решад Ибрагимов Yüklə

I

Рагъ эхъвезва ви ятара,

Экуьн хийир, Самурдин вацI.

Са хабар це а патарай,

Зи квахьнавай сабурдин вацI.

Припев

Самурдин вацI, Самурдин вацI.

Зи квахьнавай сабурдин вацI.

II

Чи гъамарин сел яни вун,

Ван кутуна алахьзавай.

ЧIехи гьуьлуьхъ какахьзавай.

ЧIехи гьуьлуьхъ какахьзавай.

Припев

Самурдин вацI, Самурдин вацI.

Зи квахьнавай сабурдин вацI.

III

Варз эхъвезва ви ятара,

Няни хийир, Самурдин вацI.

Чи тIалариз ая чара,

Эй зи халкьдин абурдин вацI.

Припев

Самурдин вацI, Самурдин вацI.

Зи квахьнавай сабурдин вацI.

Самурдин вацI, Самурдин вацI.

Эй зи халкьдин абурдин вацI.

Зарият
İfa edir "Сувар" Yüklə

Зарият

I

Вуч иер руш я Зарият,

КIватI хьанва мадни къарияр,

Лугьуз зун вирт, вун гъери я,

Ийизва ашкъи дерин яр.

II

Лагь кван вун гьидан тавар я,

Вун акван заз са сувар я.

Чун са лекьрен кьве лувар я,

Сирнавдай ашкъид цавара.

Баде
İfa edir Решад Ибрагимов Yüklə

Баде

Заз булахдал яр акуна,

Къуьнел алаз квар, акуна.

Вуч иер гатфар акуна,

РикIе ашкьи гьатна, баде.

Чан баде, чан баде,

Фад илчияр ракъура.

Чан баде, чан баде,

Руш масадаз тагурай.

Зи гафарихъ яб тагайтIа,

А тават на заз тагъайтIа,

Зи рикIиз икI рехъ тахьайтIа,

Фида хуьряй катна, баде.

Ярди кварцяй яд гана заз,

Муьгьуьббатдин дад гана заз,

Хъуьрена заз милидаказ,

Зи бахтуниз рагъ акъатна.

Яран сувариз
İfa edir "Сувар" Yüklə

Гьинва куьн, мугьман хьухь, илифа садра,

Зи аял береяр, аял береяр.

Зун къарих хьанва квехъ, цIигел хьанва квехъ,

Зи верцIи береяр, хиял береяр.

Гьатайла тIебиат Яран хинеда,

Яран цуьквер кIватIдай чна гуьнедай.

Агатна вирида хъикьифар недай,

Вергерик кутуна таза цирияр.

Вил гала зи масан чIаварик,

Вил гала, вил гала яран суварик.

Чидач вуч кутадай дидеди гъварик,

ХупI дадлу чрадай яран шураяр.

АцIурна жибинар затIарив ширин,

Чидайди къугъун тир, шаддаказ хъуьруьн,

РикI алаз шурва нез мехъерик хуьруьн,

Демина виливди хуьдай зуьрнеяр.

Симин пагьливанар атайла кимел,

Ван гьатна магьлейра, алтIуш жедай эл,

“Лезгинка” кьуьлдайдаз симерин винел,

Чан-рикIиз, алхишиз жедай къарияр.

Жедай йифиз чун шумуд дакIардихъ,

Дидейри бухчаяр тадай ракIарихъ.

Вуч верцIи дад авай Яран паярик,

Бул жедай кIерецар, паквар, какаяр.

Хкадриз цIаядлай, чкIуриз ванер,

Аялрив ацIудай дагъларин ценер,

Гьазур тир афар нез апаяр, хинер,

АтIайла сусари цIийи тереяр.

Бахтари гатуй чи ракIар, чи вар,

Халкь патал гьар са югъ жедайвал сувар.

Алукьрай иер, баркавай чIавар,

Акурай виридаз, шад я лезгияр!

Зи лили
İfa edir Джамиля Залова Yüklə

Зи лили

За садал шак гъана,

За садан рикI хана,

Къастунай кар кьуна,

Кана за, сад кана.

КIар хьана зи лили,

Лили-ли, лили-ли.

Фена зи кард, фена,

Гана зав дерт фена,

За адан рехъ хвена,

Гвена, за дерт гвена.

Гаф амач заз мили,

Мили-ли, мили-ли.

За садал шак гъана,

И кIвалах накь хьана,

За адан рикI хана,

Агь, вучиз икI хьана?

Дили я зун, дили,

Дили-ли, дили-ли.

Силибирдин цуьк
İfa edir Эльвина Гейдарова и Роза Гаджимурадова Yüklə

Силибирдин цуьк

Силибирдин цуьк,

Нив гватIа ви рикI?

ТIатIайтIа за вун,

ГьикI хьурай, лагь, гьикI?

АлукIна зард пек,

Ава вун гуз рекIв,

Зи руьгь юзуриз,

Къекъвемир вун тек.

Гарал алайди,

Гара авайди,

Мехъерин сумаг

Тара авайди.

Векьерал таз гел,

Физвани вун цел?

Илчияр хьуй ваз

Силибирдин эл.

Алукьайла зул,

ТуькIуьрин ша къул,

Бахтлу жедайвал,

Силибирдин тул.

Заз вун кIанда
İfa edir Джавахир Абдулова Yüklə

Заз вун кIанда

Вилера гъам аваз,

Мецел зи тIвар алаз

Агатна зав сад, агатна.

Адан и гьал акваз,

Адан и чIал акваз

Акатна зак хъвер, акатна.

Ваз гьикI лугьун лагьана,

«КIанда заз вун» лагьана.

КIанда, кIанда,

КIанда, кIанда,

Заз вун кIанда лагьана.

Мад рекьер атIана,

Мад ракIар гатана,

Яр зи кьилив атана.

Зазни вич кIаниди,

Зазни вич ваниди

КьатIана яр, кьатIана.

Ада зав рикI вугана,

КIанда заз вун лагьана.

КIанда, кIанда,

КIанда, кIанда,

Заз вун кIанда лагьана.

Шамилан дагъ
İfa edir Решад Ибрагимов Yüklə

Чи Къафкъазда са чIав авай,

ЭвичIнавай лекьер цавай.

ЧIехи лекьрен тIвар Шамил тир,

Дагъвияр адан шанил тир.

«Гьей» лагьана женг чIугурла,

Душманарин жерг чIкIурдай.

Кьакьан синер Шамиланд тир,

Дагълар чебни шанилар тир.

Ам кьилеваз кьегьалар чи,

ТIурфанариз уфтан хьанай.

Азадвилихъ къелкъвей лекьрен,

Динни иман Ватан хьанай.

И ватанда амач лугьуз,

Чун агудай имилан дагъ.

Хкаж хьана чи рикIера

Шамилан mIвap, Шамилан дагъ.

Къарагъ дуьнья
İfa edir Роза Гаджимурадова Yüklə

ЧIагъанчи, ягъ макьам,

Атанва зи макъам.

Далдамчи, агата,

Гъамарай акъата.

Гьинва зи кIаниди?

Ван хьуй и манидин.

Са кьуьлин рикI алаз,

Ягъ гада, ягъ аваз!

Чи убайриз, чи хуьрериз ван хьурай,

И гьавади хайи чилел чан гъурай.

Ам авачир мехъерар я тапарар,

«Лезгинкадихъ» хьайиди туш часпарар.

Ван алаз ягъ устIар,

Агуда на дустар,

КIанибур кIватI хьурай,

Межлисдиз дад гъурай.

Ягъ са лезги гьава,

Лекь хьиз лув гун цава,

«Лезгинка» ягъ гада,

Ягъ гада, ягъ фада.

Цаваризни, чилеризни хьуй хабар,

Я лезгияр, я инсанар, ягъ капар.

Къе эллериз бахтлувилиз эвериз,

Къарагъ дуьнья, «Лезгинкадал» кьуьлериз!

Ватан
İfa edir Джамиля Залова Yüklə

Ваз арха кIандатIа, бубадиз дагъ я лагь,

Бахтлу жез кIандатIа, дидедиз рагъ я лагь.

Чим къачуз хьайида бубадин кIваликай,

Са чIибни квадардач чи диде чиликай.

Ватан - чи кIвал я, кIвал,

Ватан - чи чIал я, чIал,

Ватан - чи чил я, чил.

Виридлай деринди чи руьгьдин ивирар,

КIевера гьатайла на элдиз эвера.

Икрамиз хьайитIа жуван халкьдиз вавай,

Марфар хьиз ви кьилел бахтар къвада цавай.

Лугьумир
İfa edir Роза Гаджимурадова Yüklə

Лугьумир, заз ихьтин гафар лугьумир,

“Цуьк гъидай зи цIийи гатфар” лугьумир.

Зи рикI хъуьтуьлариз алахъмир икьван,

“Къвада вал зи сефил марфар” лугьумир.

Зун мука тек амай къариб чубарук,

Къалин я гад такур зи хиялрин рук,

Ширин гаф лугьумир, рикI жезва чIук-чIук,

РикIе кьуьд авайдаз гатфар лугьумир.

Зун гьинай, ашкъидин чIереяр гьинай?

Зун гьинай, бахтунин береяр гьинай?

Зун гьинай, цуькведин дереяр гьинай?

“ За ваз бахш ийида,чIафар” лугьумир,

Лугьумир, заз ихьтин гафар лугьумир.

Хъел жемир
İfa edir Эльвина Гейдарова Yüklə

Вун хъел жемир захъ галаз,

За рикIин пад квадарда.

Какахьда зи вахтни чIав,

Гьафтедин гьяд квадарда.

Тарар вахтсуз алахьда,

Пешер къацуз авахьда,

Суварин гьал какахьда,

ВацIари яд квадарда.

Икьван залум тIул жедан?

Икьван яргъи зул жедан?

Хъиле икьван фул гъидан?

Уьмуьрди гад квадарда.

Зи мурадри кьада муч,

Ви хъилериз лугьун вуч?

Ялиз жедач гъамун куьч?

Дуьньяди дад квадарда.

Вил гала
İfa edir Джамиля Залова Yüklə

Агакьдач вав зи гъил, вун яргъарава,

Цава рагъ, зи рикIе маргъал ава.

Зи рекьел шумуд са даркал ава,

Гьинва вун, гьинва вун, вил гала вахъ.

Гьинва вун, кIаниди, агакьа зав,

Вун лугьуз хиялри гатазва лав.

Атана ахъая зи рикIин дав,

Вил гала, вил гала, вил гала вахъ.

Гьарад вичин кIвале, вичин крара,

Зи чими мурадар къайи гарара.

Завай кIватI хъижезмач вилер варарай,

Гьинва вун, гьинва вун, вил гала вахъ.

Агакьа кIаниди, агакьа зи гьахъ,

Акъуда гъамарай, зун яргъариз твах,

Вун я захъ авайди, чIалахъ хьухь, чIалахъ,

Гьинва вун, гьинва вун, вил гала вахъ.

Заз таб ая
İfa edir Джамиля Залова Yüklə

Заз таб ая, мад таб ая,

Вад таб ая, къад таб ая,

Заз тапаррай кIанда гаф лагь,

И верцIи гаф заз гзаф лагь,

КIанда лагь заз,

КIанда лагь заз.

Минет хьуй ваз, рахамир дуьз,

Зи хиялар тамир на цIуьз,

Байиха ша зи тIал, зи квал,

ЧукIур мийир умуддин кIвал,

КIандач лугьуз,

КIандач лугьуз.

Са мурад я вун заз авай,

КвадарайтIа эх жеч завай.

ВерцIи-верцIи гафара заз,

Алцура зун, тапарра заз,

КIанда лугьуз,

КIанда лугьуз.

Чан дидедин
İfa edir Джавахир Абдулова Yüklə

Чан дидедин, вун масакща акуна заз и гъилера,

Чан дидедин, гъам авай хьи, ви вилера.

Ачуха пел, чукщура на фикиррин циф,

Ахъая лув, чан чи кщвалин бахтавар лиф.

Сабурлу хьухь, алатдайд я гьар мичщи йиф,

Виляй накъвар авахьдайд я, чан дидедин,

Дердер вири алахьдайд я, чан дидедин.

Дуьнья я им - гьар жуьредин крар авай,

Дуьнья я им - ял тежедай парар авай.

Дуьнья я им - нагагь къвадай, харар авай,

Дарвилериз эхиз чира, чан дидедин,

Жуван рикщиз рехъиз чира, чан дидедин.

Дуьнья я им - хъсандни пис къвал-къвалавай,

Уьмуьр я им - дустни душман цал-цалавай.

Жуван гъилив туьхуьрайтща цщай къулавай,

Ам куьхкщуьрун регьят жедач, чан дидедин,

Къакъатайла ахгат жедач, чан дидедин.

Уьмуьр я им - гьалзавайдаз гзаф четин

Куьн - аялар гъвечщи чщавуз тщал я метщин,

Чщехи хьайла рикщин иви ийиз фитщин,

Акваз-такваз рехи жеда, чан дидедин

Икьван крар эхиз жедан, чан дидедин.

Лугьудани, лугьудачни?
İfa edir Джамиля Залова Yüklə

Ваз лугьудай са гаф ава,

Лугьудани, лугьудачни?

За жуван рикI вав аманат

Вугудани, вугудачни?

Зи гьиссериз ви хура муг

Жагъидани, лагь.

И верцIи тIал на захъ галаз

ЧIугвадани, лагь.

Фимир, фимир яргъаризди, фимир яр,

Гъимир, гъимир зи рикIиз тIал.

Гумир, гумир чарадав гъил, гумир яр,

Кумир, кумир чарадан цIал.

Чи бахтунин цIийи эквер,

КуькIуьрдани, куькIуьрдачни?

Чна санал ашкъидин кIвал,

ТуькIуьрдани, туькIуьрдачни?

Жаваб це заз, на илчияр,

Ракъурдани, ракъурдачни?

АтIай гаф лагь, за маса яр

Жагъурдани, жагъурдачни?

Чан диде
İfa edir Руслан Пирвердиев Yüklə

Зи кIваче са цаз акIайла,

Чан-рикIдай на вишра заз.

За багьнадлай хана кевил,

ТIал гудай хьи, вишра ваз.

Хъел акатна лугьудай на:

«Кьуьзуь хьуй вун, чан бала».

Ви сеперни алхиш жедай,

Им кьатIузва за гила.

Чан диде, ви буржар

Алцумдай киле авач.

Чан диде, рикI диде,

А чIавар гила амач.

Зи рикIелла, са гъилера

Ви хатур за гьикI ханай.

Циф илифнай ви вилериз,

Вун гьикI перишан хьанай.

На лагьанай: «Са югъ къведи,

«Диде» лугьуз шехьди вун.

Зи гел гьатдач элкъвейтIани,

Дуьньядилай яхъди вун».

Рехи я зун, къе веледрин

Хуш гафунихъ я цIигел.

Фикирри зи тIарайла рикI,

Вун хкведа зи рикIел.

Зун ви жунда бахтавар тир,

Уьмуьр валди масан тир.

Дуьньядлай фад феначиртIа,

Диде, вун, вуч хъсан тир.

Чан диде, чан диде,

Къвезван ваз зи ван диде?

«Чан» хълагь заз садрахъди,

ТIазва хьи зи чан, диде.

КIани яр
İfa edir Джамиля Залова Yüklə

Я "Тамавай" "тамуяр",

Я "КIамавай" "кIамуяр",

Зи рикI тIармир ша икьван,

Яргундавай кIани яр.

Ша, я "тамуяр",

Ша, я "кIамуяр",

Ша, я кIани яр, ша.

Цавай физвай каруяр,

Хъелмир закай хару яр.

Каруйрив гвай затI авач,

Зи кIани яр, кьару яр.

Я иерди хуьруьн яр,

Ашукь я вал вири яр.

Ви чIалав чIал агакьдач,

КIватI хьайтIани зарияр.

Таб дуьнья
İfa edir Рубаба Байрамбекова Yüklə

ЧичIидикай рух хьана, рух,

Леэндикай хвах хьана, хвах.

Акурдаз вун мах хьана, мах,

Гафар-чIалар таб дуьнья, таб.

Кьиляй-кьилиз таб дуьнья,

ГьикI гуда ваз таб, дуьнья,

Акьалтрай вал таб, дуьнья,

Я таб дуьнья, таб дуьнья, таб.

Гатфарикай зул хьана, зул,

Чанда гьатайд фул хьана, фул,

Ви иманни пул хьана, пул,

Къекъверагдиз гъаб дуьнья, гъаб.

Лампадикай шам хьана, шам,

КIарасдикай цIам хьана, цIам.

Лагь кван вун низ рам хьана, рам,

Гъал галачир раб дуьнья, раб.

Яргунат
İfa edir Ахмед Курбанов Yüklə

Экуьн яру яралай,

«Яр» булахдал яр алай.

Заз Яргуна са иер

Яр акуна яралай.

Ярдин тIвар Яргунат,

Ярдин кIвал Яргуна.

Яр авай Яргунай

Гьиниз фин яр туна?

Чилер-цавар заха хьухь,

Гъверигъверар ахъа хьухь.

Я Яргунин иерди,

Ша зи вахаз баха хьухь.

Яни
İfa edir Ахмед Курбанов Yüklə

И дамах-чах вуч ятIа лагь,

Атанвайди эл яни?

Я иер руш, ви магьледа

Мехъер яни, мел яни?

Чар яни вун некIедавай,

Экв яни вун чигедавай?

Свас хьиз лацу цуькведавай,

Ичин таран хел яни?

Зи ашкъидин чур-чур алай,

Ялав я вун гур-гур алай,

Гугрум галай, шур-шур алай,

Вун гатфарин сел яни?

Ви атирдив ацIанва кIам,

Ви кIвач акьур гьар кIам - са гам,

Зи хиялра къекъвезвай гъам,

Ви хиялрин гел яни?

Bakı
İfa edir Руслан Пирвердиев Yüklə

Yolum düşdü elə eçə,

Köül verdim səə bircə.

Səsiz ömrüm gedər heçə,

Bakım məim - balım beçə.

Adı-saı dildə gəzər,

Keşik çəkər səə Xəzər.

Şəhər haı səə bəzər?

Toxuması səə əzər.

Elim, obam Bakı,

Üüm, sədam Bakı,

Şiri sevdam Bakı.

Şəsiz yadam, Bakı,

Sələ şadam, Bakı,

Şiri sevdam Bakı.

Qürbətdən gələn ellim
İfa edir Решад Ибрагимов Yüklə

Ey qürbətdə gələ ellim,

Söylə iyə pərişasa?

Yadıdamı, bu yerləri

Tərk etdiyi haçasa.

Uzaq eldə gələ qoaq,

Xoşmu keçir söylə güü?

Kimi var, de, çağırada

Gedib çatsı səsi, üü?

Qərib eldə vətə adlı

Qibləsiə döə qoaq,

Bu torpağı hər qarışı

Bu gü səə olub qıaq.

Vətəii darda qoyub

Uzaqlara gedə zama,

Bağrı yara aa torpaq

Diləyirdi sədə ama.

Doğma yurdda yad diyara

Gözü yaşlı döə qoaq,

Bilmirsəmi, övladıı

Çəti güdə Vətə aar.

Ey qürbətə döə qoaq,

Necə qəmli, pərişasa.

İamırsa, doğma yurda

Döəcəksə haçasa.

Qərib quşun nəğməsi
İfa edir Джамиля Залова Yüklə

Uşaqlıqda aam məə

Bir əhvalat daışardı.

Biri vardı, biri yoxdu,

Adsız, qərib bir quş vardı.

Səhər-axşam o qərib quş

Oxuyardı həzi-həzi:

“Yaxşı - pisi, pis - yaxşıı,

Pis - yaxşıı, yaxşı - pisi”.

Bu əğməi kim eşitsə,

Odsuz, közsüz alışardı.

Yaxşı pisə qismət olar,

Pis - yaxşıya qovuşardı.

Qəm yayardı quşu səsi

Pis - yaxşıı, yaxşı - pisi.

Bəzə quşu dili çaşar,

Oxuyardı yaa-yaa:

"Pis - pisidir, ey isalar,

Yaxşı çatsı yaxşısıa".

Pis tapardı tez tayıı,

Qismətiylə barışardı,

Yaxşı yara yaxşı yarı

Elə gözəl yaraşardı!

Sora o quş qayıdardı

Öz əvvəlki əğməsiə:

"Pis, hardasa? Yaxşıı tap!

Yaxşı yetsi öz pisiə!"

Qəm yayardı quşu səsi

Pis - yaxşıı, yaxşı - pisi.

Aam buu daışada,

Qəm dolardı gözləriə.

Sehirləib qarışardım

O əğməi sözləriə.

Düşüərdim gecə-güdüz:

Bu qərib quş ədə belə,

Sevələri qovuşdurur

Bu qəribə bölgü ilə?

...İllər ötür, o sualsa

Qopmaq bilmir yaddaşımda.

Zama keçir, yeə qoşa

Yaşayacaq yaxşı-yama.

Qəm yayardı quşu səsi?

Pis - yaxşıı, yaxşı - pisi.

Гум, гум
İfa edir Эльвина Гейдарова Yüklə

Гум, гум, гум, гум зал къвемир,

Далдам алай къавал вач.

Гъам, гъам, гъам, гъам зал къвемир,

Чил гадара, цавал вач.

Циф, циф, циф, циф зал къвемир,

Тежедайвал чIимел, вач

Йиф, йиф, йиф, йиф къал мийир,

Яргъал хуьруьн кимел вач.

Гум, гум, гум, гум гъил къачу,

Зи вилериз гьимир нагъв.

Гум, гум, гум, гум атIутI вил,

Зи гьиссериз гумир тIагъ.

ИкI фейитIа
İfa edir Джамиля Залова Yüklə

Ватин гъал я чи арада амайди,

Ша ял мийир, ам юкьвалай кIар жеда.

РикIин тIал я чи харада амайди,

ИкI фейитIа, пара жеда, пар жеда.

Кьенвай гьиссер гьикI юзурда эферив,

Дад кумачтIа, тIям кумачтIа йиферив.

АлакьдатIа, агудмир зун циферив,

АгудайтIа, тIурфан жеда, гар жеда.

Bir özgəsi
İfa edir Джавахир Абдулова Yüklə

Bilsən mənə nələr deyir,

Keçib gedər kədər, - deyir.

Yeni bir eşq gələr deyir,

Nələr, nələr, nələr deyir.

Bir özgəsi, bir özgəsi.

Bir özgəsi nələr deyir,

Bir özgəsi, bir özgəsi.

Bir özgəsi, yar.

Məndən ayrı qala bilmir,

Mənsiz deyib-gülə bilmir.

Ah, nə edim, necə deyim,

Ürəyimi ala bilmir.

Bir özgəsi, bir özgəsi.

Bir özgəsi ala bilmir.

Bir özgəsi, bir özgəsi.

Bir özgəsi, yar.

Hər vaxt, hər an gərək bilir,

Şirin, gözəl dilək bilir,

Alışarsan, odlanarsan,

Bilsən məni mələk sanır.

Bir özgəsi, bir özgəsi.

Bir özgəsi ala bilmir,

Bir özgəsi, bir özgəsi.

Bir özgəsi, yar.

Məndən ayrı qala bilmir,

Mənsiz deyib-gülə bilmir.

Ah, nə edim, necə deyim

Ürəyimi ala bilmir.

Вун аватIа
İfa edir Эльвина Гейдарова Yüklə

Вун аватIа, регьят я рикI,

Яргъал туш заз пел, къуза.

Ви акунри, ви рахунри,

Агуддач зав гъам, суза.

Вун аватIа, жегьил я зун,

Зи дамахар сусанд я.

Зи дердерни жезва тIимил,

Заз тIал чIугван асант я.

Вун аватIа, заз гьар са кар

Цуьк атIун хьиз мили я.

Вун аватIа, сабурлу я,

Секин я зун, сили я.

Вун аватIа, ава зунни,

Иер я зун, яр я зун.

Вун авачтIа, и дуьньяда

Алатна фей къар я зун...

Цифер ава
İfa edir Джамиля Залова Yüklə

Бегьем тушиз уьмуьрд киле,

Зи дердияр хьанва силе,

Са ни ятIа рикIин кьиле

Юзурда зи чуьнгуьрдин сим.

КIанидалай чар атайла,

Чаравилин гар атайла,

РикIяй нагагъ свар атайла,

Шерзумарда цифери зун.

Какахъайла хъипи пешер,

Зи хиялар жеда тешер

Шел акатда секин тежер,

Зулун юргь хьиз алахьда зун.

Къариб я зун бинедилай,

КIам тежез и гуънедилай.

Фад фейитIа дуьнедилай

Элкъведа яр, къавахдал зун,

Фад фейитIа дуьнедилай

Жагъура са булахдал зун.

Припев

Цифер ава чиле-цава,

ЧIимел хьанва рикIин гьава.

Яр
İfa edir Руслан Пирвердиев Yüklə

Гафар Муьзеффер Меликмамедованбур я

Чилел за вун гекъигда нихъ?

Я цаварин зар авай яр.

Килига тIун зун галайнихъ,

Гаруз ухшар гаравай яр,

Яр, яр, яр, зар авай яр,

Яр, яр, яр гаравай яр.

Гьикьван гагьда къакъатда вун,

Гьин улькведиз акъатда вун,

Гьин бахтлудав агатда вун,

Хиве ашкъид пар авай яр.

Хтанач хьи…
İfa edir Роза Гаджимурадова Yüklə

Гафар Муьзеффер Меликмамедованбур я

Вучиз ярдихъ галукьнава,

Къведа лугьуз атанач хьи.

Гатфар фадлай алукьнава,

Зи чубарук хтанач хьи.

АцIана мад вили цавар,

КъвайитIа икI, цIуьда къавар.

Я рикI алай Яран сувар,

На зи ракIар гатанач хьи.

Акваз-такваз алатна къар,

Мад гьиссерин юзана гар.

Зи багъда я къайи шагьвар,

Садрахъ на ван кутунач хьи.

Ван алачиз къакъатна вун,

Вучиз яргьаз акъатна вун?

Зи мезредлай алатна вун,

Байихнач хьи, кьатIанач хьи…

Лайлай
İfa edir Джамиля Залова Yüklə

Ични чуьхвер хьтинди,

Виртни дуьдгъвер хьтинди,

Лацу гъвергъвер хьтинди,

Лай-лай-лай.

КIвализ гатфар гъайиди,

РикIиз сувар гъайиди,

Заз кьве лувар гайиди,

Лай-лай-лай.

Багълар, салар ваз хьурай,

ВерцIи чIалар ваз хьурай,

Ви тIал-квалар заз хьурай,

Лай-лай-лай.

Багьади зи, бала зи,

Мани я вун чIала зи,

На мурадар яла зи,

Лай-лай-лай.

...
Sayt A2Studio tərəfindən yaradılıb