Поэзия

Лишан

       ГъалатI авун хас кIвалах я инсандиз,

ГъалатI тавур кас авани дуьньяда?

Ам нагагьдай кIвалин къенез гьахьда ви,

Ахъай тийиз, вилик пад на гьикI кьада?

Алатдач ам  вучайтIани ян гана,

Чахъни тахсир авачиз туш чир тежер.

Рекьидачир жеди инсан фикирри,

ГьакIан ялар тиртIа рикIе, сир тежер.

Суракьна за гъалатI квачир инсанар,

Къалура заз ахьтин са кас аватIа.

Белки дуьнья туькIуьр хьайи йикъалай

Уьмуьрдин сир азабарихъ хьун ятIа?

Жуван гъалатI жуван рикIиз пар жеда,

Залан жечни вилел алай хер  вилиз?

ГъалатI авун хас кIвалах я инсандиз,

Ам хиве кьун лишан ялда мердвилин.