Поэзия

Шамилан дагъ

Чи Къафкъазда са чIав авай,

ЭвичIнавай лекьер цавай.

ЧIехи лекьрен тIвар Шамил тир,

Дагъвияр адан шанил1 тир.

“Гьей” лагьана женг чIугурла,

Душманарин жерг чукIурдай.

Кьакьан синер Шамиланд тир,

Дагълар чебни шанилар тир.

Ам кьилеваз кьегьалар чи,

ТIурфанариз уфтан хьанай.

Азадвилихъ къелкъвей лекьрен,

Динни иман Ватан хьанай.

И Ватанда авач лугьуз

Чун агудай имилан2 дагъ,

Хкаж хьана чи рикIера,

Шамилан тIвар, Шамилан дагъ.

1 шанил – кьушун

2 имил – кьушундин кьил