Поэзия

Шаирдин гьахъ

Халкь лагьана дадайбуруз,

Жигер-багъри падайбуруз,

Шиир багьаз кьадайбуруз

Секин уьмуьр кьисмет хьанач,

Чан аламаз са шаирдиз,

И дуьньяда къимет хьанач.

Асул шаир кIапIар хьанач,

Адан мецел тапар хьанач,

КIвале ацIай тIакIар хьанач,

Гьавиляйни шаирдивай

Мет ягъана купIар хьанач,

И дуьньяда чан аламаз

Са шаирдиз капар хьанач.

Рекъер - уьшкуь муькъвер хьана,

Къуьлер цана - векьер хьана,

Таяр-туьшер пенкьвер хьана,

Гьи шаирдиз асанвилив

Фу жагъана, пекер хьана?

И дуьньяда шаирдин гьахъ

Адаз ягъай “цIенкьер” хьана...