Поэзия

Зи дустар

Мецел цIарар, рикIе аваз,

Къе  илгьамдин шивдал алаз,

Вуч хъсан я, куьн ава заз,

Шиир-дустар, мани-дустар,

Агата зав, кIани дустар.

“Бахтлу” я зун и пешеда,

Сив хъуьрейла вил ишеда,

Девдин рикI хьиз са шуьшеда

Гьатнава зи фикир-мастар,

Шиир кхьин хьанва къастар.

Зи хур кьакьан са рагал я,

Заз гьар цIар сифте ргал я,

И лежбер квехъ хупI цIигел я,

Агата зав, кIани дустар,

Шиир-дустар, мани-дустар!