Update Required
To play the media you will need to either update your browser to a recent version or update your Flash plugin.
Лезгинкадал илига
Yüklə
I
Ягъ, я стха, «Лезгинкадал» илига,
И макьамдин аламатдиз килига.
Далдамдинни зуьрнедин ван атайла,
Адан аваз зи дамарра гьатайла,
Чил зурзада, зи кIвачериз звер къведа,
Шад жеда зун, зи вилериз хъвер къведа.
Припев:
Лезгинка, «Лезгинкадал» илига,
Лезгинка, «Лезгинкадал» илига.
II
Ягъ, я стха, «Лезгинкадал» илига,
Ви ялавдик куькIуьра зун, алуга.
Элкъуьра зун, гелкъуьра зун, галуда,
Вири дердер зи рикIелай алуда.
И макьамди авурай зун бахтавар,
Ван атана, агатрай зав зи тавар.
Зи халкьдикай мани
Yüklə
I
Агата завди дуст, эй къариб мугьман,
Ихтилат ийин за, ви рикI ацIурай.
Гьи жуьре мисалар, гьихьтин кьисаяр
Рахан хьи, ваз анай зи халкь акурай?
Припев:
Зи заха халкьдикай, сая халкьдикай,
Гьар са чIал са ширин баяд халкьдикай,
Зи Кьуьчхуьр, зи Эмин, Саяд халкьдикай
Ваз хабар атурай, суракь атурай.
II
Ваз квекай гафин за, эй къариб мугьман,
Арха я заз даим зи чIал - зи лукьман.
Ватандин къванерал гъидай кьин, иман,
АватIа, на маса са халкь жагъура.
Асса
Yüklə
I
Са рушани са гадади
Кьуьл ийизвай чи къайдадив.
Лугьун тийиз са гаф маса,
Гьарайзавай «Асса! Асса!»
Йигин кьуьлун чаз хас я,
Асса, кьегьалар, асса!
Кьуьлзавайд кьегьал кас я,
Асса, таватар, асса!
II
Цавай чилел эвичIнавай
Кьве лекь тиртIа кьве масанди?
ВикIегьдаказ лув ахъайна
Сирнавзавай хупI хъсандиз.
И успагьи кьуьлуьни гьикI,
Юзурзавай къеневай рикI.
Аван ихьтин са кьуьл маса?
Асса, «Лезгинка», асса!
III
КIвачерикай хкатиз руг,
Са кьуьлуьна са халкьдин руьгь,
Къачуз жени гьунар маса?
Асса, лезгияр, асса!
Йигин кьуьлуьн чаз хас я,
Асса, кьегьалар, асса!
Кьуьлзавайд кьегьал кас я,
Асса, таватар, асса!
Амач лагь
Yüklə
I
Залай гъейри садни
РикIе твамир, яр.
Хъсандни, масандни
Агуд мийир, яр.
Припев:
Цавай авата,
Завди агата,
Чарад кIамач лагь, яр.
Вахъ сад аватIа,
Масад аватIа,
Амач, амач лагь, яр.
II
Вуна чара са тахт
Хиялдиз гъимир, яр.
Гъиляй ахъайна бахт,
Яргъариз фимир, яр.
III
Иер вилеривди
Патанбур хуьмир, яр.
Кьисмет гъилеривди
Чарадав гумир, яр.
Дидедин чIал
Yüklə
I
Зи гафарихъ яб це, зи хва,
Лезги чIалав аламат гва.
Гьатун патал и ашкъ чанда,
Вун адан цIу кана кIанда.
Припев:
Дидедин чIал, дидедин чIал,
Чан зи хайи дидедин чIал.
Дигедин чIал, дигедин чIал,
Чан зи хайи дигедин чIал.
II
Ваз хайи чIал кIан хьухь, зи хва,
Ам диде хьиз на хуьх, зи хва.
КьатIутI вуна адан сесер,
Ийидайвал рикIиз эсер.
III
Гьар гьарфунихъ ава аваз,
Гьар гаф мили шиир я ваз.
Хайи чIалан суьгьуьрдаваз,
Уьмуьр гьала бахтавар яз.
Къаварилай къаваралди
Yüklə
I
Къаварилай къаваралди,
ГьикI фида ви магьледай яр?
Чими гьиссер гатфаралди
Акъуда на дегьнедай, яр.
II
ЧIаварилай чIаваралди,
Кьамир на жув винидай, яр.
Чун сад садаз халкьнавайд я,
Сад Аллагьди бинедай, яр.
III
Цаварилай цаваралди.
Рагъ хьана ша гуьнедай яр.
Вири дуьнья ацIудайвал,
Ви нефесдин гьуьмедай, яр.
Жедайди туш
Yüklə
Гьар заланвал пар жедайди туш,
Гьардавай рикI тIар жедайди туш,
Гьар цуькведихъ бар жедайди туш,
Гьар са багъда нар жедайди туш.
Гьар кьегьалдив тар жедайди туш,
Гьар таватдив квар жедайди туш,
Гьар шагьвардик гар жедайди туш,
Гьар марфадик хар жедайди туш.
Ашкъ атана
Yüklə
Зи гьиссери зун,
Мад юзурзава.
Алахъна вили
Сад жагъурзава
Зи хиялри икI,
РикI ацIурзава.
Зун аялдай кьаз
Мад алцурзава.
ГъикI эверда,
Ша лагьана?
РикI къачудан
Це лагьана?
Къарагъна са къуз
Муьгьуьббатдин гар
«КIаниди» лугьуз,
Агатна зав яр
И гафари зи
Кьил элкъуьрзава.
Гагь шерзум ийиз,
Гагь хъуьруьрзава.
Зи вил галай
Гад атана.
Зи булахдиз
Яд атана.
Суракьда ава,
Зун гатун цикIин.
Къачунва куьлег
Сада зи рикIин.
Лув гуз ава зун,
Хиялрин цава.
Лувар хайитIа,
Эх жени завай?
Зун я лугьуз
Рак катана,
Зи уьмуьрдиз
Ашкъ атана.
Дагъвияр
Yüklə
Дагъвияр
I
Вучиз чун хиялри ялда яргъарихъ?
Вучиз чаз гирвеяр, кукIушар кIанда?
КIамара, аскIанра кьарай квахьда чи,
Кьакьанрив гьуьжетун ава чи чанда.
Припев:
Дагъвияр, дагъвияр, кьакьанрихъ ялзавайбур,
Лекьер хьиз дагъларин рагарал кIвалзавайбур.
II
Вучиз чи рикI ала синерал икьван?
Такуна эх женни къацу яйлахар?
Дагъларай яргъара бахт авачирдан
Гьахълу яз авунва дагъви чIалахъар.
Къведа жал?
Yüklə
Къведа жал?
I
Зи вил рекьи тухузва,
Яраб зи яр къведа жал?
Зи вил галай кIанида,
Закай хабар кьада жал?
Припев:
Къведа жал, къведа жал?
Яраб зи яр къведа жал?
Кьада жал, кьада жал?
Закай хабар кьада жал?
II
Агат тийиз зи патав,
Мадни хатур хада жал?
Яб тагана фейитIа,
За адан тIвар кьада жал?
III
Зи вил галай кIанида,
Зи вил рекье тада жал?
Зун атIана, чаради
Ада рикIе твада жал?
Дагълар
Yüklə
Дагълар
I
Цифер атайла чи патаризди,
Гиманар фида чи яргаризди,
Дегь береяр хьиз чи хиялризди
Мурадрин саягъ элцифда дагълар.
Припев:
Лезгидин ухшар авай
Чи кьакьан дагълар.
Такабурдин зар алай
Чи масан дагълар.
II
Агъзур йисар я алаз чи кьилел,
Шарвилиди хьиз хуьзва чи чилер,
Алаз хурудал алпандин гелер
Чи руьгьдин кIвализ илифда дагълар.
Припев:
Къуьн-къуьневай кьегьалар,
Чи рехи дагълар
Лекьер хуьзвай рагарал,
Чи чIехи дагълар.
Ватандин чил
Yüklə
Ватандин чил
I
И дуьньяда чилер пара,
А чилерал эллер пара,
Рекьер пара, гелер пара,
Сад кьилинд я - Ватандин чил.
Припев:
Вакай зи вил атIудач гьич,
Вун квачир уьмуьр мичI я, мичI.
Бес вучиз садбур жезва куьч,
Гъурбатдиз, зи Ватандин чил?
II
Яргъара бахт авайди туш,
А бахт садаз жагъайди туш,
Гъурбатди дад гудайди туш,
Ватандай кьаз патандан чил.
III
Тек вав гвайд я зи руьгьдин ван,
Руьгь авачтIа, куьз я зи тан?
Вишра вазди лагьайтIа “чан”,
Галатдач зун, Ватандин чил.
Жегьилвал
Yüklə
Жегьилвал
I
Вуч иердиз дамахнава
Цуькверивди яйлахри.
Мад гатфарин манийрал
Илигнава булахри.
Припев:
Ялзава къе чуьллери
Чи жегьилар ялзава.
Абрун хура звал къачуз
Гур гьиссери къалзава.
II
Гьар руш цуьк я яйлахрин.
Гьар гада са кару я.
Муьгьуьббатдин цикай хъванвай
Жегьилар хупI хару я.
Мехъер
Yüklə
Мехъер
I
Мехъер я дустар, къе мехъер,
Лув гана ша фад лекьер.
Цуькведи кьурай куь рекъер,
Ахъа хьурай куь рикIер.
Припев:
«Чан» лугьуз, «чан» лугьуз,
Чан чи свас, чи чам лугьуз.
Агатрай вири рушар,
Цавун гъетериз ухшар.
II
Гурлудаказ ягъан капар,
Демина вегьин лабар.
Аватна хурай къапар,
Ава мадни шад хабар.
III
Лезгидиз мехъер мел я, мел,
Хвешизвайди эл я, эл.
ЦIийиз туькIуьрай гьар хизан
Чилин винел гел я, гел.
Серинда
Yüklə
Серинда
I
Накь рагъ авай, къе серинда
Къе серинда, яр серинда.
Зи рикIевай хер деринда,
Хер деринда, яр деринда
Вили кьуна, рикIи кьурда
РикI хана зи са геренда.
Зи рикIе кьацI авуртIани,
Яр ширинда, яр ширинда.
II
И бахтавар хуьр гадарна,
Вун яргъариз физвани, яр?
Эвел кьиляй зун кIан хьана,
Гила масад гъизвани, яр?
Ваз ви цIийи кIанидикай
Зи ухшарар къвезвани, яр?
Я тахьайтIа вунни зун хьиз
Йиферизди шезвани, яр?
II
Гьар акурдаз дерт ахъайна,
Лугьуз жедач жузуналди.
Сад Аллагьдиз чида, за ви
Рекьер хвейди шазаналди.
Чалаг ягъиз вили лифер
Цавай физва лужуналди.
Зун бубади са чарадаз
Гузва гила гужуналди.
Заз яр ава, яргъарава
Yüklə
Заз яр ава, яргъарава
I
Заз яр ава, яргъарава,
Чи арада дагълар ава.
Яр авай пад гуьлуьшан я,
Чи патара маргъар ава.
II
Рагъ атайла циф элцифда,
Гъам атайла рикI къекъифда.
Зи хиялар гьа санихъ я,
Ярдин кьилив гьикI илифда?
III
Мад алукьна алахьай къар,
Жив дагъдивай къакъатна, яр.
Ви гелери цуьк акъудрай,
Зи рикI къеняй акъатна, яр.
IV
Заз яр ава, яргъарава,
Гьар йифиз зи ахварава.
Низ ахъайин зи рикIин дерт,
Заз яр ава, яргъарава.
Чан зи ягъалди
Yüklə
Чан зи ягъалди
I
Бахтунин дагълар кьуна маргъалди,
Фена вун мадни, фена яргъариз.
Гуьнеяр туна гьахьмир даркалдиз,
Чан зи ягъалди, чан зи ягъалди.
Припев:
Авани ваз лагь, залай мукьвади,
КьатIмир зи гьиссер вуна мукалдив.
КIар хьайтIа садра, женни акализ,
Чан зи ягъалди, чан зи ягъалди.
III
Мад хатур хана зи, кIвелай вуна,
Туна зун ялгъуздиз, рикIин пер хьана.
Вуч гьатна ви гъиле, зав гъам вугана,
Чан зи ягъалди, чан зи ягъалди.
Припев:
Лугьумир, дуьньядин рекьер пара я,
Лугьумир, вахъ кудай рикIер пара я.
Уьмуьрдин саврухар, мекьер пара я,
Чан зи ягъалди, чан зи ягъалди.
КIанда лугьуз
Yüklə
КIанда лугьуз
I
КIанда лугьуз дадмир икьван,
КIанивили галудда вун.
КичIезва заз, и ашкъиди,
БалкIандилай авудда вун.
Гьазурбуру ийиз къастар,
Чи арадай чIугда часпар.
Элкъведа вал гьа ви дустар,
Эхир кьиляй акъудда вун.
Припев:
ХъуьтIуьн цикIиз гадмир на,
Жуваз икьван гьадмир на,
КIанда лугьуз дадмир вуна.
II
Амач захъ са гаф - жагъурдай.
ГьикI акьан зун ви гъавурда?
И дуьньяда вуч авуртIа,
На рикIелай алудда зун?
Гьазурбуру ийиз къастар,
Чи арадай чIугда часпар.
Элкъведа вал гьа ви дустар,
Эхир кьиляй акъудда вун.
«Сувар»ин гимн
Yüklə
«Сувар»ин гимн
I
Чун санал хьун мел-мехъер я, сувар я,
Квез макьамар ягъазвайди «Сувар» я.
Къе чи чIалан, чи макьамрин сувар я,
Агалкьунар тIалаб ая «Сувар»из,
Куьн атурай, Рагъ атурай сувариз.
II
Къени хьурай куь кIвалер-къар, суварар,
Макьамри квехъ кутадайвал луварар,
Чан хайибур, чан кьегьалар, таварар,
Квез макьамрин кIунчIар гъурай «Сувар»и,
Куь рикIера гелер турай «Сувар»и.
Къафкъаз
Yüklə
Къафкъаз
I
Са бахтавар чил ава,
Адахъ шумуд эл ава,
Дегь тарихда гел авай
Рагъ я ам, чи варз я ам.
Припев:
КIукI цаварив агакьдай дагълар авай,
Бул вилерив диганвай багълар авай,
Кьил вине хуьз алакьдай халкьар авай,
Дустар вичихъ агуддай яргъаравай
ТIвар вани Къафкъаз я ам,
Бахт я ганвай чазди ам,
РикIин къене таз я ам,
Чаз кIани Къафкъаз я ам.
II
Ам чи муг я, чи ватан,
И ашкъ рикIин къене тван.
Дуьньядиз чкIанва ван,
Чи дине Къафкъаз я ам.
III
Ина вири руьгь кьакьанд,
Жагъидач сад ам такIанд,
Чи несилриз - пакагьан
Эменни яз таз я ам.
Лезгияр
Yüklə
Лезгияр
I
Ас-салам-алейкум, чан зи жуванбур!
Дуьньядин гьар пипIен, гьар са патанбур!
ГьикI я куь кIвалер-къар, гьикI я хизанар?
Ватандихъ цIигел яз хьанвани ялар?
Припев
ГьикI я куь рикIин гьал, хъсанзавани?
Квез халкьдин адетар масанзамани?
Лагь, куь руьгь мадни гьакI кьакьанзамани?
Лезги чIал диде хьиз квез кIанзамани?
II
Ас-салам-алейкум, чан зи лезгияр!
Дидед чIал лезгидин кьилин ризкьи я!
Квахьда чи тахьайтIа гел дуьньядилай,
Феначни шумуд са эл дуьньядилай?
Припев
ГьикI я куь рикIин гьал, хъсанзавани?
Квез халкьдин адетар масанзамани?
Къе гьунар дуьньядал тIвар тан я лезгияр!
Лезгидиз дидед чIал ватан я, лезгияр!
Гатфарин мани
Yüklə
Гатфарин мани
I
Агь, вун акьван мукьвалла,
Лагь, вун кард ян мукваллай?
Вав гъил агакь тийиз,
Зи рикIин кьил тIал я.
Припев:
Гьиссер къатанва зи,
Кьарай атIанва зи.
Вун лугьур, вун лугьур
Гатфар атанва зи.
II
Агь вун дагъ я кьакьан тир,
Гьинва рехъ ви патав фир?
Мус зав гуда на сир,
Зун ийир-тийир я.
III
Агь, зун гъамлу, вун шад я,
Агь, вун такван заз гьад.
Захъ авай и дуьньядал
Текд я вун, сад я.
Ваз яр гьикI лугьун?
Yüklə
Ваз яр гьикI лугьун?
I
За лагьанай агатмир зав, яр,
Зи шегьредлай алатмир вун, яр.
На лагьанай, къакъатмир вун, яр,
И ахварай аватмир вун, яр.
Припев:
Бес вуч хьана хьи, чарадаз физва вун?
И дерт гьикI эхин, цIай квачиз кузва зун.
Куьз бес чинеба, чинеба шезва вун?
ТIалди незва зун, незва зун, незва зун.
II
Вун рикIелай гьикI алудин, яр?
РикI гъамарай гьикI акъудин, яр?
Вун чарадав гьикI агудин, яр?
Вун адавай гьикI къакъудин, яр?
Припев:
Ваз яр гьикI лугьун, чарадан яр я вун,
Фад дегиш жедай гатфарин гар я вун.
Вав гъил гьикI вугун, гьикI вугун, гьикI вугун?
Ваз яр гьикI лугьун, гьикI лугьун, гьикI лугьун?
Самурдин вацI
Yüklə
I
Рагъ эхъвезва ви ятара,
Экуьн хийир, Самурдин вацI.
Са хабар це а патарай,
Зи квахьнавай сабурдин вацI.
Припев
Самурдин вацI, Самурдин вацI.
Зи квахьнавай сабурдин вацI.
II
Чи гъамарин сел яни вун,
Ван кутуна алахьзавай.
ЧIехи гьуьлуьхъ какахьзавай.
ЧIехи гьуьлуьхъ какахьзавай.
Припев
Самурдин вацI, Самурдин вацI.
Зи квахьнавай сабурдин вацI.
III
Варз эхъвезва ви ятара,
Няни хийир, Самурдин вацI.
Чи тIалариз ая чара,
Эй зи халкьдин абурдин вацI.
Припев
Самурдин вацI, Самурдин вацI.
Зи квахьнавай сабурдин вацI.
Самурдин вацI, Самурдин вацI.
Эй зи халкьдин абурдин вацI.
Зарият
Yüklə
Зарият
I
Вуч иер руш я Зарият,
КIватI хьанва мадни къарияр,
Лугьуз зун вирт, вун гъери я,
Ийизва ашкъи дерин яр.
II
Лагь кван вун гьидан тавар я,
Вун акван заз са сувар я.
Чун са лекьрен кьве лувар я,
Сирнавдай ашкъид цавара.
Баде
Yüklə
Баде
Заз булахдал яр акуна,
Къуьнел алаз квар, акуна.
Вуч иер гатфар акуна,
РикIе ашкьи гьатна, баде.
Чан баде, чан баде,
Фад илчияр ракъура.
Чан баде, чан баде,
Руш масадаз тагурай.
Зи гафарихъ яб тагайтIа,
А тават на заз тагъайтIа,
Зи рикIиз икI рехъ тахьайтIа,
Фида хуьряй катна, баде.
Ярди кварцяй яд гана заз,
Муьгьуьббатдин дад гана заз,
Хъуьрена заз милидаказ,
Зи бахтуниз рагъ акъатна.
Яран сувариз
Yüklə
Гьинва куьн, мугьман хьухь, илифа садра,
Зи аял береяр, аял береяр.
Зун къарих хьанва квехъ, цIигел хьанва квехъ,
Зи верцIи береяр, хиял береяр.
Гьатайла тIебиат Яран хинеда,
Яран цуьквер кIватIдай чна гуьнедай.
Агатна вирида хъикьифар недай,
Вергерик кутуна таза цирияр.
Вил гала зи масан чIаварик,
Вил гала, вил гала яран суварик.
Чидач вуч кутадай дидеди гъварик,
ХупI дадлу чрадай яран шураяр.
АцIурна жибинар затIарив ширин,
Чидайди къугъун тир, шаддаказ хъуьруьн,
РикI алаз шурва нез мехъерик хуьруьн,
Демина виливди хуьдай зуьрнеяр.
Симин пагьливанар атайла кимел,
Ван гьатна магьлейра, алтIуш жедай эл,
“Лезгинка” кьуьлдайдаз симерин винел,
Чан-рикIиз, алхишиз жедай къарияр.
Жедай йифиз чун шумуд дакIардихъ,
Дидейри бухчаяр тадай ракIарихъ.
Вуч верцIи дад авай Яран паярик,
Бул жедай кIерецар, паквар, какаяр.
Хкадриз цIаядлай, чкIуриз ванер,
Аялрив ацIудай дагъларин ценер,
Гьазур тир афар нез апаяр, хинер,
АтIайла сусари цIийи тереяр.
Бахтари гатуй чи ракIар, чи вар,
Халкь патал гьар са югъ жедайвал сувар.
Алукьрай иер, баркавай чIавар,
Акурай виридаз, шад я лезгияр!
Зи лили
Yüklə
Зи лили
За садал шак гъана,
За садан рикI хана,
Къастунай кар кьуна,
Кана за, сад кана.
КIар хьана зи лили,
Лили-ли, лили-ли.
Фена зи кард, фена,
Гана зав дерт фена,
За адан рехъ хвена,
Гвена, за дерт гвена.
Гаф амач заз мили,
Мили-ли, мили-ли.
За садал шак гъана,
И кIвалах накь хьана,
За адан рикI хана,
Агь, вучиз икI хьана?
Дили я зун, дили,
Дили-ли, дили-ли.
Силибирдин цуьк
Yüklə
Силибирдин цуьк
Силибирдин цуьк,
Нив гватIа ви рикI?
ТIатIайтIа за вун,
ГьикI хьурай, лагь, гьикI?
АлукIна зард пек,
Ава вун гуз рекIв,
Зи руьгь юзуриз,
Къекъвемир вун тек.
Гарал алайди,
Гара авайди,
Мехъерин сумаг
Тара авайди.
Векьерал таз гел,
Физвани вун цел?
Илчияр хьуй ваз
Силибирдин эл.
Алукьайла зул,
ТуькIуьрин ша къул,
Бахтлу жедайвал,
Силибирдин тул.
Заз вун кIанда
Yüklə
Заз вун кIанда
Вилера гъам аваз,
Мецел зи тIвар алаз
Агатна зав сад, агатна.
Адан и гьал акваз,
Адан и чIал акваз
Акатна зак хъвер, акатна.
Ваз гьикI лугьун лагьана,
«КIанда заз вун» лагьана.
КIанда, кIанда,
КIанда, кIанда,
Заз вун кIанда лагьана.
Мад рекьер атIана,
Мад ракIар гатана,
Яр зи кьилив атана.
Зазни вич кIаниди,
Зазни вич ваниди
КьатIана яр, кьатIана.
Ада зав рикI вугана,
КIанда заз вун лагьана.
КIанда, кIанда,
КIанда, кIанда,
Заз вун кIанда лагьана.
Шамилан дагъ
Yüklə
Чи Къафкъазда са чIав авай,
ЭвичIнавай лекьер цавай.
ЧIехи лекьрен тIвар Шамил тир,
Дагъвияр адан шанил тир.
«Гьей» лагьана женг чIугурла,
Душманарин жерг чIкIурдай.
Кьакьан синер Шамиланд тир,
Дагълар чебни шанилар тир.
Ам кьилеваз кьегьалар чи,
ТIурфанариз уфтан хьанай.
Азадвилихъ къелкъвей лекьрен,
Динни иман Ватан хьанай.
И ватанда амач лугьуз,
Чун агудай имилан дагъ.
Хкаж хьана чи рикIера
Шамилан mIвap, Шамилан дагъ.
Къарагъ дуьнья
Yüklə
ЧIагъанчи, ягъ макьам,
Атанва зи макъам.
Далдамчи, агата,
Гъамарай акъата.
Гьинва зи кIаниди?
Ван хьуй и манидин.
Са кьуьлин рикI алаз,
Ягъ гада, ягъ аваз!
Чи убайриз, чи хуьрериз ван хьурай,
И гьавади хайи чилел чан гъурай.
Ам авачир мехъерар я тапарар,
«Лезгинкадихъ» хьайиди туш часпарар.
Ван алаз ягъ устIар,
Агуда на дустар,
КIанибур кIватI хьурай,
Межлисдиз дад гъурай.
Ягъ са лезги гьава,
Лекь хьиз лув гун цава,
«Лезгинка» ягъ гада,
Ягъ гада, ягъ фада.
Цаваризни, чилеризни хьуй хабар,
Я лезгияр, я инсанар, ягъ капар.
Къе эллериз бахтлувилиз эвериз,
Къарагъ дуьнья, «Лезгинкадал» кьуьлериз!
Ватан
Yüklə
Ваз арха кIандатIа, бубадиз дагъ я лагь,
Бахтлу жез кIандатIа, дидедиз рагъ я лагь.
Чим къачуз хьайида бубадин кIваликай,
Са чIибни квадардач чи диде чиликай.
Ватан - чи кIвал я, кIвал,
Ватан - чи чIал я, чIал,
Ватан - чи чил я, чил.
Виридлай деринди чи руьгьдин ивирар,
КIевера гьатайла на элдиз эвера.
Икрамиз хьайитIа жуван халкьдиз вавай,
Марфар хьиз ви кьилел бахтар къвада цавай.
Лугьумир
Yüklə
Лугьумир, заз ихьтин гафар лугьумир,
“Цуьк гъидай зи цIийи гатфар” лугьумир.
Зи рикI хъуьтуьлариз алахъмир икьван,
“Къвада вал зи сефил марфар” лугьумир.
Зун мука тек амай къариб чубарук,
Къалин я гад такур зи хиялрин рук,
Ширин гаф лугьумир, рикI жезва чIук-чIук,
РикIе кьуьд авайдаз гатфар лугьумир.
Зун гьинай, ашкъидин чIереяр гьинай?
Зун гьинай, бахтунин береяр гьинай?
Зун гьинай, цуькведин дереяр гьинай?
“ За ваз бахш ийида,чIафар” лугьумир,
Лугьумир, заз ихьтин гафар лугьумир.
Хъел жемир
Yüklə
Вун хъел жемир захъ галаз,
За рикIин пад квадарда.
Какахьда зи вахтни чIав,
Гьафтедин гьяд квадарда.
Тарар вахтсуз алахьда,
Пешер къацуз авахьда,
Суварин гьал какахьда,
ВацIари яд квадарда.
Икьван залум тIул жедан?
Икьван яргъи зул жедан?
Хъиле икьван фул гъидан?
Уьмуьрди гад квадарда.
Зи мурадри кьада муч,
Ви хъилериз лугьун вуч?
Ялиз жедач гъамун куьч?
Дуьньяди дад квадарда.
Вил гала
Yüklə
Агакьдач вав зи гъил, вун яргъарава,
Цава рагъ, зи рикIе маргъал ава.
Зи рекьел шумуд са даркал ава,
Гьинва вун, гьинва вун, вил гала вахъ.
Гьинва вун, кIаниди, агакьа зав,
Вун лугьуз хиялри гатазва лав.
Атана ахъая зи рикIин дав,
Вил гала, вил гала, вил гала вахъ.
Гьарад вичин кIвале, вичин крара,
Зи чими мурадар къайи гарара.
Завай кIватI хъижезмач вилер варарай,
Гьинва вун, гьинва вун, вил гала вахъ.
Агакьа кIаниди, агакьа зи гьахъ,
Акъуда гъамарай, зун яргъариз твах,
Вун я захъ авайди, чIалахъ хьухь, чIалахъ,
Гьинва вун, гьинва вун, вил гала вахъ.
Заз таб ая
Yüklə
Заз таб ая, мад таб ая,
Вад таб ая, къад таб ая,
Заз тапаррай кIанда гаф лагь,
И верцIи гаф заз гзаф лагь,
КIанда лагь заз,
КIанда лагь заз.
Минет хьуй ваз, рахамир дуьз,
Зи хиялар тамир на цIуьз,
Байиха ша зи тIал, зи квал,
ЧукIур мийир умуддин кIвал,
КIандач лугьуз,
КIандач лугьуз.
Са мурад я вун заз авай,
КвадарайтIа эх жеч завай.
ВерцIи-верцIи гафара заз,
Алцура зун, тапарра заз,
КIанда лугьуз,
КIанда лугьуз.
Чан дидедин
Yüklə
Чан дидедин, вун масакща акуна заз и гъилера,
Чан дидедин, гъам авай хьи, ви вилера.
Ачуха пел, чукщура на фикиррин циф,
Ахъая лув, чан чи кщвалин бахтавар лиф.
Сабурлу хьухь, алатдайд я гьар мичщи йиф,
Виляй накъвар авахьдайд я, чан дидедин,
Дердер вири алахьдайд я, чан дидедин.
Дуьнья я им - гьар жуьредин крар авай,
Дуьнья я им - ял тежедай парар авай.
Дуьнья я им - нагагь къвадай, харар авай,
Дарвилериз эхиз чира, чан дидедин,
Жуван рикщиз рехъиз чира, чан дидедин.
Дуьнья я им - хъсандни пис къвал-къвалавай,
Уьмуьр я им - дустни душман цал-цалавай.
Жуван гъилив туьхуьрайтща цщай къулавай,
Ам куьхкщуьрун регьят жедач, чан дидедин,
Къакъатайла ахгат жедач, чан дидедин.
Уьмуьр я им - гьалзавайдаз гзаф четин
Куьн - аялар гъвечщи чщавуз тщал я метщин,
Чщехи хьайла рикщин иви ийиз фитщин,
Акваз-такваз рехи жеда, чан дидедин
Икьван крар эхиз жедан, чан дидедин.
Лугьудани, лугьудачни?
Yüklə
Ваз лугьудай са гаф ава,
Лугьудани, лугьудачни?
За жуван рикI вав аманат
Вугудани, вугудачни?
Зи гьиссериз ви хура муг
Жагъидани, лагь.
И верцIи тIал на захъ галаз
ЧIугвадани, лагь.
Фимир, фимир яргъаризди, фимир яр,
Гъимир, гъимир зи рикIиз тIал.
Гумир, гумир чарадав гъил, гумир яр,
Кумир, кумир чарадан цIал.
Чи бахтунин цIийи эквер,
КуькIуьрдани, куькIуьрдачни?
Чна санал ашкъидин кIвал,
ТуькIуьрдани, туькIуьрдачни?
Жаваб це заз, на илчияр,
Ракъурдани, ракъурдачни?
АтIай гаф лагь, за маса яр
Жагъурдани, жагъурдачни?
Чан диде
Yüklə
Зи кIваче са цаз акIайла,
Чан-рикIдай на вишра заз.
За багьнадлай хана кевил,
ТIал гудай хьи, вишра ваз.
Хъел акатна лугьудай на:
«Кьуьзуь хьуй вун, чан бала».
Ви сеперни алхиш жедай,
Им кьатIузва за гила.
Чан диде, ви буржар
Алцумдай киле авач.
Чан диде, рикI диде,
А чIавар гила амач.
Зи рикIелла, са гъилера
Ви хатур за гьикI ханай.
Циф илифнай ви вилериз,
Вун гьикI перишан хьанай.
На лагьанай: «Са югъ къведи,
«Диде» лугьуз шехьди вун.
Зи гел гьатдач элкъвейтIани,
Дуьньядилай яхъди вун».
Рехи я зун, къе веледрин
Хуш гафунихъ я цIигел.
Фикирри зи тIарайла рикI,
Вун хкведа зи рикIел.
Зун ви жунда бахтавар тир,
Уьмуьр валди масан тир.
Дуьньядлай фад феначиртIа,
Диде, вун, вуч хъсан тир.
Чан диде, чан диде,
Къвезван ваз зи ван диде?
«Чан» хълагь заз садрахъди,
ТIазва хьи зи чан, диде.
КIани яр
Yüklə
Я "Тамавай" "тамуяр",
Я "КIамавай" "кIамуяр",
Зи рикI тIармир ша икьван,
Яргундавай кIани яр.
Ша, я "тамуяр",
Ша, я "кIамуяр",
Ша, я кIани яр, ша.
Цавай физвай каруяр,
Хъелмир закай хару яр.
Каруйрив гвай затI авач,
Зи кIани яр, кьару яр.
Я иерди хуьруьн яр,
Ашукь я вал вири яр.
Ви чIалав чIал агакьдач,
КIватI хьайтIани зарияр.
Таб дуьнья
Yüklə
ЧичIидикай рух хьана, рух,
Леэндикай хвах хьана, хвах.
Акурдаз вун мах хьана, мах,
Гафар-чIалар таб дуьнья, таб.
Кьиляй-кьилиз таб дуьнья,
ГьикI гуда ваз таб, дуьнья,
Акьалтрай вал таб, дуьнья,
Я таб дуьнья, таб дуьнья, таб.
Гатфарикай зул хьана, зул,
Чанда гьатайд фул хьана, фул,
Ви иманни пул хьана, пул,
Къекъверагдиз гъаб дуьнья, гъаб.
Лампадикай шам хьана, шам,
КIарасдикай цIам хьана, цIам.
Лагь кван вун низ рам хьана, рам,
Гъал галачир раб дуьнья, раб.
Яни
Yüklə
И дамах-чах вуч ятIа лагь,
Атанвайди эл яни?
Я иер руш, ви магьледа
Мехъер яни, мел яни?
Чар яни вун некIедавай,
Экв яни вун чигедавай?
Свас хьиз лацу цуькведавай,
Ичин таран хел яни?
Зи ашкъидин чур-чур алай,
Ялав я вун гур-гур алай,
Гугрум галай, шур-шур алай,
Вун гатфарин сел яни?
Ви атирдив ацIанва кIам,
Ви кIвач акьур гьар кIам - са гам,
Зи хиялра къекъвезвай гъам,
Ви хиялрин гел яни?
Bakı
Yüklə
Yolum düşdü elə neçə,
Könül verdim sənə bircə.
Sənsiz ömrüm gedər heçə,
Bakım mənim - balım beçə.
Adın-sanın dildə gəzər,
Keşik çəkər sənə Xəzər.
Şəhər hanı sənə bənzər?
Toxunmasın sənə nəzər.
Elim, obam Bakı,
Ünüm, sədam Bakı,
Şirin sevdam Bakı.
Sənsiz yadam, Bakı,
Sənlə şadam, Bakı,
Şirin sevdam Bakı.
Qürbətdən gələn ellim
Yüklə
Ey qürbətdə gələ ellim,
Söylə iyə pərişasa?
Yadıdamı, bu yerləri
Tərk etdiyi haçasa.
Uzaq eldə gələ qoaq,
Xoşmu keçir söylə güü?
Kimi var, de, çağırada
Gedib çatsı səsi, üü?
Qərib eldə vətə adlı
Qibləsiə döə qoaq,
Bu torpağı hər qarışı
Bu gü səə olub qıaq.
Vətəii darda qoyub
Uzaqlara gedə zama,
Bağrı yara aa torpaq
Diləyirdi sədə ama.
Doğma yurdda yad diyara
Gözü yaşlı döə qoaq,
Bilmirsəmi, övladıı
Çəti güdə Vətə aar.
Ey qürbətə döə qoaq,
Necə qəmli, pərişasa.
İamırsa, doğma yurda
Döəcəksə haçasa.
Qərib quşun nəğməsi
Yüklə
Uşaqlıqda aam məə
Bir əhvalat daışardı.
Biri vardı, biri yoxdu,
Adsız, qərib bir quş vardı.
Səhər-axşam o qərib quş
Oxuyardı həzi-həzi:
“Yaxşı - pisi, pis - yaxşıı,
Pis - yaxşıı, yaxşı - pisi”.
Bu əğməi kim eşitsə,
Odsuz, közsüz alışardı.
Yaxşı pisə qismət olar,
Pis - yaxşıya qovuşardı.
Qəm yayardı quşu səsi
Pis - yaxşıı, yaxşı - pisi.
Bəzə quşu dili çaşar,
Oxuyardı yaa-yaa:
"Pis - pisidir, ey isalar,
Yaxşı çatsı yaxşısıa".
Pis tapardı tez tayıı,
Qismətiylə barışardı,
Yaxşı yara yaxşı yarı
Elə gözəl yaraşardı!
Sora o quş qayıdardı
Öz əvvəlki əğməsiə:
"Pis, hardasa? Yaxşıı tap!
Yaxşı yetsi öz pisiə!"
Qəm yayardı quşu səsi
Pis - yaxşıı, yaxşı - pisi.
Aam buu daışada,
Qəm dolardı gözləriə.
Sehirləib qarışardım
O əğməi sözləriə.
Düşüərdim gecə-güdüz:
Bu qərib quş ədə belə,
Sevələri qovuşdurur
Bu qəribə bölgü ilə?
...İllər ötür, o sualsa
Qopmaq bilmir yaddaşımda.
Zama keçir, yeə qoşa
Yaşayacaq yaxşı-yama.
Qəm yayardı quşu səsi?
Pis - yaxşıı, yaxşı - pisi.
Гум, гум
Yüklə
Гум, гум, гум, гум зал къвемир,
Далдам алай къавал вач.
Гъам, гъам, гъам, гъам зал къвемир,
Чил гадара, цавал вач.
Циф, циф, циф, циф зал къвемир,
Тежедайвал чIимел, вач
Йиф, йиф, йиф, йиф къал мийир,
Яргъал хуьруьн кимел вач.
Гум, гум, гум, гум гъил къачу,
Зи вилериз гьимир нагъв.
Гум, гум, гум, гум атIутI вил,
Зи гьиссериз гумир тIагъ.
ИкI фейитIа
Yüklə
Ватин гъал я чи арада амайди,
Ша ял мийир, ам юкьвалай кIар жеда.
РикIин тIал я чи харада амайди,
ИкI фейитIа, пара жеда, пар жеда.
Кьенвай гьиссер гьикI юзурда эферив,
Дад кумачтIа, тIям кумачтIа йиферив.
АлакьдатIа, агудмир зун циферив,
АгудайтIа, тIурфан жеда, гар жеда.
Bir özgəsi
Yüklə
Bilsən mənə nələr deyir,
Keçib gedər kədər, - deyir.
Yeni bir eşq gələr deyir,
Nələr, nələr, nələr deyir.
Bir özgəsi, bir özgəsi.
Bir özgəsi nələr deyir,
Bir özgəsi, bir özgəsi.
Bir özgəsi, yar.
Məndən ayrı qala bilmir,
Mənsiz deyib-gülə bilmir.
Ah, nə edim, necə deyim,
Ürəyimi ala bilmir.
Bir özgəsi, bir özgəsi.
Bir özgəsi ala bilmir.
Bir özgəsi, bir özgəsi.
Bir özgəsi, yar.
Hər vaxt, hər an gərək bilir,
Şirin, gözəl dilək bilir,
Alışarsan, odlanarsan,
Bilsən məni mələk sanır.
Bir özgəsi, bir özgəsi.
Bir özgəsi ala bilmir,
Bir özgəsi, bir özgəsi.
Bir özgəsi, yar.
Məndən ayrı qala bilmir,
Mənsiz deyib-gülə bilmir.
Ah, nə edim, necə deyim
Ürəyimi ala bilmir.
Вун аватIа
Yüklə
Вун аватIа, регьят я рикI,
Яргъал туш заз пел, къуза.
Ви акунри, ви рахунри,
Агуддач зав гъам, суза.
Вун аватIа, жегьил я зун,
Зи дамахар сусанд я.
Зи дердерни жезва тIимил,
Заз тIал чIугван асант я.
Вун аватIа, заз гьар са кар
Цуьк атIун хьиз мили я.
Вун аватIа, сабурлу я,
Секин я зун, сили я.
Вун аватIа, ава зунни,
Иер я зун, яр я зун.
Вун авачтIа, и дуьньяда
Алатна фей къар я зун...
Цифер ава
Yüklə
Бегьем тушиз уьмуьрд киле,
Зи дердияр хьанва силе,
Са ни ятIа рикIин кьиле
Юзурда зи чуьнгуьрдин сим.
КIанидалай чар атайла,
Чаравилин гар атайла,
РикIяй нагагъ свар атайла,
Шерзумарда цифери зун.
Какахъайла хъипи пешер,
Зи хиялар жеда тешер
Шел акатда секин тежер,
Зулун юргь хьиз алахьда зун.
Къариб я зун бинедилай,
КIам тежез и гуънедилай.
Фад фейитIа дуьнедилай
Элкъведа яр, къавахдал зун,
Фад фейитIа дуьнедилай
Жагъура са булахдал зун.
Припев
Цифер ава чиле-цава,
ЧIимел хьанва рикIин гьава.
Яр
Yüklə
Гафар Муьзеффер Меликмамедованбур я
Чилел за вун гекъигда нихъ?
Я цаварин зар авай яр.
Килига тIун зун галайнихъ,
Гаруз ухшар гаравай яр,
Яр, яр, яр, зар авай яр,
Яр, яр, яр гаравай яр.
Гьикьван гагьда къакъатда вун,
Гьин улькведиз акъатда вун,
Гьин бахтлудав агатда вун,
Хиве ашкъид пар авай яр.
Хтанач хьи…
Yüklə
Гафар Муьзеффер Меликмамедованбур я
Вучиз ярдихъ галукьнава,
Къведа лугьуз атанач хьи.
Гатфар фадлай алукьнава,
Зи чубарук хтанач хьи.
АцIана мад вили цавар,
КъвайитIа икI, цIуьда къавар.
Я рикI алай Яран сувар,
На зи ракIар гатанач хьи.
Акваз-такваз алатна къар,
Мад гьиссерин юзана гар.
Зи багъда я къайи шагьвар,
Садрахъ на ван кутунач хьи.
Ван алачиз къакъатна вун,
Вучиз яргьаз акъатна вун?
Зи мезредлай алатна вун,
Байихнач хьи, кьатIанач хьи…
Лайлай
Yüklə
Ични чуьхвер хьтинди,
Виртни дуьдгъвер хьтинди,
Лацу гъвергъвер хьтинди,
Лай-лай-лай.
КIвализ гатфар гъайиди,
РикIиз сувар гъайиди,
Заз кьве лувар гайиди,
Лай-лай-лай.
Багълар, салар ваз хьурай,
ВерцIи чIалар ваз хьурай,
Ви тIал-квалар заз хьурай,
Лай-лай-лай.
Багьади зи, бала зи,
Мани я вун чIала зи,
На мурадар яла зи,
Лай-лай-лай.
Яргунат
Yüklə
Экуьн яру яралай,
«Яр» булахдал яр алай.
Заз Яргуна са иер
Яр акуна яралай.
Ярдин тIвар Яргунат,
Ярдин кIвал Яргуна.
Яр авай Яргунай
Гьиниз фин яр туна?
Чилер-цавар заха хьухь,
Гъверигъверар ахъа хьухь.
Я Яргунин иерди,
Ша зи вахаз баха хьухь.
Шагьдагъдин цуьк
Yüklə
Акъваз мийир дагъдин синел,
Маргъал къведа руш, ви винел.
Цуьк пара яз аскIан ценел,
Вуч ава ви кьакьан синел?
Гьей, Шагьдагъдин цуьк,
Гьей, зи рикIин экв.
Гьи патай акъатай гар я вун, гар я вун,
Виридаз чир хьуй, зи яр я вун, яр я вун.
Дерт ава захъ хара-хара,
Шадара зун пара-пара.
Хуш гафар лагь силе, силе-силе,
Умуд гана киле-киле.
АцIанва
Yüklə
Аквазвачни ваз зи гьал,
Зун вав, зун вав ацIанва.
Хиялри вахъ ялзава,
Наваривди ацIанвай.
Хважамжамдин рангарив
Зи чил, зи цав ацIанва.
Зи илгьамдин къула къе,
ЦIайни ялав ацIанва.
Вавди, вавди, кIаниди,
Зи гьар са чIав ацIанва.
Бахтлу жечирни вун, лагь,
Чиз тиртIа зав ацIанва?!
Мили гаф
Yüklə
Заз кIанзавайд – са мили гаф.
Ви кIвачерихъ яйлахни чIаф
ЭкIяда за, на лагьайтIа,
Катда вакай, на талгьайтIа.
Заз кIанзавайд – са чими гаф,
Шуршур ийиз, алахьиз каф,
ВацI жеда зун вун атайтIа,
Кьурада зун вун татайтIа.
Зи эрзиман – са экуь пел,
Ахъая чин, алуда хъел,
Масадбурун атIана гел,
Тек зун кьуна хурун синел,
ЧIалалди ша зун паталди,
Ая метлеб на мукьвалди.
Зи вил гала ви рахунрихъ,
Зи вил гала ви акунрихъ,
Шадара зун – муг квахьай нуькI,
Юзура зи къеневай рикI.
КIани ятIа и мурад ваз,
Алахъ мийир вун хатур хаз,
КIанивал я кIанзавайд чаз,
Агата зав къачуна наз.
Къени эллер
Yüklə
Зун дагъларин чархаралла,
Зи хиялар яргъарава.
Ван чукIуриз жезва алахь,
Шумуд шуршур, шумуд булах.
Ингье чи лацу синер,
Ингье чи къацу ценер,
Ингье зи къени эллер,
Дагъларал кьадай кьинер.
Мугьман я зун дагълара къе,
Са суьгьуьр я адан рекьер.
Къекъифнава цуькверин ранг,
АтIузва за шумуд са чанг.
Рази я зун кьисметдилай,
Зун дагъларин динедай я.
Чи лекьер хьиз кьил винизвал,
Им зи халкьдин бинедай я.
Гьинва вун?
Yüklə
Агакьдач вав зи гъил, вун яргъарава,
Цава рагъ, зи рикIе маргъал ава.
Зи рекье шумуд са даркал ава,
Гьинва вун, гьинва вун, вил гала вахъ.
Гьинва вун, кIаниди, агакьа зав,
Вун лугьуз хиялри гатазва лав.
Атана ахъая зи рикIин дав,
Гьинва вун, гьинва вун, вил гала вахъ.
Гьарад вичин кIвале, вичин крара,
Зи чими мурадар къайи гарара.
Завай кIватI хъижезмач хьи вилер варарай,
Гьинва вун, гьинва вун, вил гала вахъ.
Жедани?
Yüklə
ТIимил тирни авай дердер,
Вучиз на и кар авуна?
Ялзавайди тIимилди хьиз,
Мадни зурба пар авуна.
Бес туширни чIугур тIалар,
Вучдай на рикI тIар авуна?
Къахчуна экв, ракъана мичI,
Вучиз дуьнья дар авуна?
Чара багъдин бегьердивди
Агуд мийир бар авуна.
Хъуьреда зал элни уба,
Жедани вун яр авуна?
Гьавалат яз рекьерал зи,
На жигъиррал цIар авуна.
АлакьдатIа хиялра зи
Руг ийимир, гар авуна.
Дуьнья
Yüklə
ХупI бахтавар тушни вун,
Кьегьал дуьнья, чам дуьнья.
Хважамжамди ришанва
Эвелдай ви гам, дуьнья.
Вилидавай цав я вун,
Миже галай нав я вун,
Жегьилвилин чIав я вун
АцIай дуьнья, там дуьнья.
Вун бахтавар гад я, гад,
Вун жагъайди шад я, шад,
Муьгьуьббатдин дад я, дад,
Вахъ авай и тIям, дуьнья.
Садаз – хъилер атIугъай,
Садаз кIвал я татугай,
Садаз – шадвал кутугай,
Са масадаз гъам, дуьнья.
Кутаз тахьуй хай, тахай,
АтIуз тахьуй пай чакай,
Къачурд хьанани, вакай,
Эхирда кьван кам, дуьнья?
Муьгьуьббатдин цIай галаз
Yüklə
МУЬГЬУЬББАТДИН ЦIАЙ ГАЛАЗ
Яр какахьай навадава чиливцIар,
ЦIир ахъайдай гьавадава цуьруьцIар.
Алахьзава нуькIерилай цIивицIар,
Гатфар къвезва гьарай галаз, гьай галаз.
Кьил элкъуьрдай гьуьмер ава йифера,
На лугьуди, эквер къвазва циферай.
Бахтунин гъед, заз цаварай эвера,
Къвен ви кьилив жуваз дигай тай галаз.
Гьарай галаз, гьай галаз,
КIанивилин цIай галаз.
Акъатзава цуьквер винел, чил падиз,
ВерцIи гьиссер авазва зав агатиз.
ГьикI хьурай зун, уьмуьр тадиз алатиз,
АмукьайтIа хажалатар къай галаз?
РикIи чIалаз килигзавач
Yüklə
РикIи чIалаз килигнайтIа,
Вун кьадай за яр лагьана.
Вири гафар эхдай за ви,
Зи ашкъидин пар лагьана.
РикIи чIалаз килигнайтIа,
Ви рехъ, ви гел хуьдай хьи, за.
Виридавай къакъудна вун,
Зи уьмуьрдиз гъидай хьи, за.
РикIи чIалаз, рикIи чIалаз,
РикIи чIалаз килигнайтIа.
РикIи чIалаз килигнайтIа,
Адаз тек вун кIан жедай хьи.
Вилериз тек вун аквадай,
Япара ви ван жедай хьи.
РикIи чIалаз килигзавач,
Вун лугьузвач, вуч ийин за.
РикIин рак ваз агал ятIа,
КIвалин рак гьикI ахъайин за.
КцIарикай мани
Yüklə
Гьар гатфарихъ хайи муказ илифдай,
Зун КцIариз илифда чубарук хьиз .
Иервилел чIал тахьурай лагьана,
Югъди-йифди минетда за Гъуцариз.
Чилин гирде авуна за кIвачелай,
Мугьман хьана шумудни са динедин.
Заз дуьньядин са пипIени, садрани
Дад жагъанач жуван хайи дигедин.
Чан КцIар зи, чан жуванди,
Дегь чIаваринд, руьгь жаванди.
Адаз тариф, адаз тесниф авани?
Ватан я ам, гуж гуда заз Ватанди.
Квез аян я, кцIарвияр, зи гьиссер,
Зи гъавурда акьадай туш патанди.
Гатфар
Yüklə
Агь, вун акьван мукьвалла,
Лагь, вун кард ян мукваллай?
Вав гъил агакь тийиз,
Зи рикIин кьил тIал я.
Гьиссер къатанва зи,
Кьарай атIанва зи,
Вун лугьур, вун лугьур
Гатфар атанва зи.
Агь, вун дагъ ян кьакьан тир?
Гьинва рехъ ви патав фир?
Мус зав гуда на сир?
Зун ийир-тийир я.
Агь, зун гъамлу, вун шад я,
Агь, вун такван заз гьад я.
Захъ авайд и дуьньядал
Тке я вун, сад я.
ГьинватIа вун
Yüklə
Ваз яр лагьанай за,
РикI вав вуганай за.
На зун рикIелай алудна,
На зун гьанадлай авудна.
ГьинватIа вун?
ГьикI ятIа вун?
Вун бахтлу яни, лагь,
Вуж я ви кIанид, лагь?
На зун рикIелай алудна,
На чарад жував агудна.
Им чи бахт я
Yüklə
Ашкъ лугьудай верцIи дад
Чи уьмуьрдиз атана.
Чун сад-садаз халкьнавайди
Чи рикIери кьатIана.
Им чи тахт я, тахт,
Им чи бахт я, бахт.
Чи мехъер я, кIаниди,
Бахтлу жедай вахт я, вахт.
Гила са хизан я чун,
Сад-садаз масан я чун.
Чи мурадар сад я къе,
Чун акваз эл шад я къе.
Ялда санал пар чна,
Эхда гарни хар чна.
Чун акваз эл шад жеда,
Чи уьмуьрдихъ дад жеда.
Ватан вуч я
Yüklə
Я лезги хва, я лезги руш,
Ватан вуч я чидани ваз?
Ви япара гьатнани лагь,
И манидин верцIи аваз?
И гафуни рикI атIана
Ви вилерал нагъв гъанани?
Садра лагь вун Ватанд чилел
Темен гана ярх хьанани?
Я лезги хва, я лезги руш,
Ватан вуч я чидани ваз?
ВерцIи яни, туькьуьл яни,
Чир хьанани накьвадин дад?
Акунан ваз Ватандин гьал,
Ватандин кьуьд, Ватандин гад?
Göz qırpımı
Yüklə
Yenə qəlbimə toxundun,
Yenə üzüldük, darıldıq.
Qəmli nəğmətək oxundun,
Yenə incidik, ayrıldıq.
Məni qısqanma, əzizim,
Yalvarıram dönə-dönə.
Məni daş sanma, əzizim,
Könlümü al dinə-dinə.
Ah, yenə, ah, yenə gözlərim dolur,
Üzümə, üzümə qapı çırpılır.
Deyirəm gör neçə yoldur,
Bu ömür – bir göz qırpımı.
Qəlbim bağlı qəfəsdəki
Quş kimi yenə çırpınır.
Küsməyə çox həvəslənmə,
Bu ömür – bir göz qırpımı.
Nədən axı belə tez-tez
Aramızdan əsir yellər?
Söndürürsən məni köz-köz,
Bax, beləcə keçir illər.
Çingiz
Yüklə
(Azərbaycan Respublikasının Milli
Qəhrəmanı Çingiz Qurbanovun xatirəsinə.)
Sən parlaq bir işıqdın,
Elinə yaraşıqdın.
Sən bir qıza aşiqdin,
Nə bilirdin dərd, oğul.
Sən bir ömrün çırağı,
Sən bir bəxtın sorağı,
Sən bir elin dayağı,
Gərəyiydin, mərd oğul.
Ömrün bahar çağında
Gül kimi soldun, Çingiz.
Ölümsüz ölümünlə
Qəhrəman oldun, Çingiz.
Anan səni saxladı,
Dağın eli dağladı,
Səni Vətən ağladı,
Göstərdin hünər, oğul.
Qurban olub doğruna,
Can deyib hər ağrına,
Ana torpaq bağrına
Çəkib səni, mərd oğul.
Vətənin harayına,
Hayına yetən Çinğız.
Sənin tək igidlərlə
Basılmaz Vətən, Çingiz!
Ви гуьгъуьнал
Yüklə
Зун – вил, вун – экв,
Такурай заз
Валай гъейри
Са маса рекIв.
Зун – рикI, вун – тIал,
Лагь, гьикI хьурай
Вахтсуз атай
Мугьмандин гьал?
Вун – раб, зун – гъал,
Гьиниз фейтIа,
Алазва зун
Ви гуьгъуьнал...
Зун - таб, вун - гьахъ,
На лугьузвай
Гьар гафунин
Я зун чIалахъ.
Зун – мез, вун – чIал,
Ша, рекье фин
Кьвед саналди,
Тавуна къал.
За семью горами
Yüklə
За семью горами
Я друзей искал.
По суровым склонам
За мечтой скакал.
Гордые как горы,
Вы мои лезгины.
Пусть течет во веки,
Храбрость в ваших жилах.
На семи наречьях
Соловьи щебечут,
Но милей сердечку
Наши соловьи.
Семижды сгорю я,
Ратуя, воюя,
Все же сохраню я
Мой язык родной.
Семь земель пройду я,
Мир весь обойду я,
Милой речи всходы
Пронесу с собой.
Отведу напасти,
Бури и ненастья,
За народ родимый
Жизнью постою.
Зи хайи эл
Yüklə
Синел, синел, кьакьан синел
Элкъведа лекьер.
Чилел, чилел сад-садахъди
Какахьда рекьер.
Сирер, сирер, верцIи сирер
Хуьзавай рикIер,
Пара хьайтIа туькIуьр жеда
Дуствилин муькъвер.
Зи лезги эл,
Зи хайи эл.
Садрани къал татурай мад
Дуьньядин кьилел,
Бахтлувилив хуьз жедайвал
Чи уба, чи эл.
РикI ахъайдай хабарар хьуй
Гьар хуьруьн кимел,
Аваз хьурай, аваз хьурай
Чи мехъер, чи мел.
Зи КцIар
Yüklə
Чи бахтунин иер цуьк,
Вун Аллагьди халкьна гьикI?
Вав ганва за жуван рикI,
Зи хайи ватан КцIар.
Алахь тийир зар я КцIар,
Яргъал хьурай вакай яцIар.
За дуьньядлай ягъана цIар,
Авач вакай, авач КцIар.
Вун я чи мез, вун я чIал,
Вун – чи руьгьдин кьакьанвал.
Вил тахьурай садан вал,
Вун умудрин ван чи КцIар.
Хъуьрез-хъуьрез
Yüklə
Зи гьиссериз ягъанва цIвер,
Кваз такьуна ягъамир пер,
АлакьдатIа хамир зи пер,
Гьад кьамир заз хъуьрез-хъуьрез.
Агата, мез ширинариз,
Алахъмир хер деринариз,
Зи кузвай рикI серинариз,
Яд гумир заз хъуьрез-хъуьрез.
Гам жедани авачиз фур?
Зи рикI фур я, чешнеда тур,
Чуьнуьхарна ашкъидин зур,
Пад гумир заз хъуьрез-хъуьрез.
Ağlamaq istəyirəm
Yüklə
Bir zamanlar günlərimi sən bəzərdin, yar,
Tez-tez küsər, ürəyimi sən üzərdin, yar,
Bəzən qara saçlarıma gül düzərdin, yar,
Məni sevər, mənə könül bağlayardın, yar.
O zamanlar mənə yardın, bəxtiyardım, yar,
Sevincimdən sellər kimi çağlayardım, yar.
Onda mənə yardı dünya,
Solmayan bahardı dünya,
Sevincimə dardı dünya,
Ağlamaq istəmirdim, gülüm.
Keçib illər, o çağların həsrəti acı,
İndi mənə yar deyən yox dalımca qaçıb.
İndi mənim saçlarımda ağ güllər açıb,
Yaş ötdükcə dərd əlindən ağlayıram yar.
Əvvəlki tək çağlamaq istəyirəm, yar,
Ağlamaq, ağlamaq istəmirəm, yar.
Kim deyir ki, mərddi dünya,
Sərtdi dünya, qəlpdi dünya,
Bir çəkilməz dərddi dünya,
Ağlamaq istəyirəm, gülüm.
Шамилан дагъ
Yüklə
Чи Къафкъазда са чIав авай,
ЭвичIнавай лекьер цавай.
ЧIехи лекьрен тIвар Шамил тир,
Дагъвияр адан шанил тир.
«Гьей» лагьана женг чIугурла,
Душманарин жерг чIкIурдай.
Кьакьан синер Шамиланд тир,
Дагълар чебни шанилар тир.
Ам кьилеваз кьегьалар чи,
ТIурфанариз уфтан хьанай.
Азадвилихъ къелкъвей лекьрен,
Динни иман Ватан хьанай.
И ватанда амач лугьуз,
Чун агудай имилан дагъ.
Хкаж хьана чи рикIера
Шамилан mIвap, Шамилан дагъ.
Къарагъ дуьнья
Yüklə
ЧIагъанчи, ягъ макьам,
Атанва зи макъам.
Далдамчи, агата,
Гъамарай акъата.
Гьинва зи кIаниди?
Ван хьуй и манидин.
Са кьуьлин рикI алаз,
Ягъ гада, ягъ аваз!
Чи убайриз, чи хуьрериз ван хьурай,
И гьавади хайи чилел чан гъурай.
Ам авачир мехъерар я тапарар,
«Лезгинкадихъ» хьайиди туш часпарар.
Ван алаз ягъ устIар,
Агуда на дустар,
КIанибур кIватI хьурай,
Межлисдиз дад гъурай.
Ягъ са лезги гьава,
Лекь хьиз лув гун цава,
«Лезгинка» ягъ гада,
Ягъ гада, ягъ фада.
Цаваризни, чилеризни хьуй хабар,
Я лезгияр, я инсанар, ягъ капар.
Къе эллериз бахтлувилиз эвериз,
Къарагъ дуьнья, «Лезгинкадал» кьуьлериз!
Къведан, яр
Yüklə
Хъуьхъвер - некъи,
Вилер - экъи,
Гафар векъи
Жедан, яр?
Гана эвер,
АвуртIа хъвер,
Ви рикIин пер
Хадан, яр?
Гуьнед пелел,
Авуна хъел,
АтIана гел
Фидан, яр?
Цуьквер - сува,
НуькIер - цава,
Ашкъид гьава
Гъидан, яр?
Вун зи лукьман,
Вун зи гиман,
Садра мугьман
Къведан, яр?
КIам - дегьнедин,
Тар - дендедин,
Вун - бендедин
Жедан, яр?
Дустуниз
Yüklə
I
На дустуниз эвера,
Четин йикъар атайла.
Ам рикIелай алудмир,
Шадвили рак гатайла.
Припев
ВерцIи гафар, хуш гафар
ЛагьайтIани парада,
РикIин дуcт тек сад жеда
Ви уьмуьрдин харада.
II
Хванахваяр аваз хьуй,
Дуст жедач гьар садакай.
ТIвар вине яхъ на адан,
ЧуькьвейтIан гьар патахъай.
Присамурье
Yüklə
В звонкой сини, в синей неге
Кружатся орлы.
А внизу восходят снеги
Из туманной мглы.
Кровь героев в наших генах
Как вода течет.
Любим мы родную землю,
И родной народ.
Много есть сокровищ в мире,
Дружба всех ценней.
Слева, справа – Присамурье
Нет земли родней.
Ближним, дальним ли соседям
Счастья мы хотим.
Каждой весью – все мы всместе
Мир наш отстоим.
Мягьтел я зун
Yüklə
Къариб дагъдал къариб цифер элкъведа,
Къариб элдихъ къариб ксар гелкъведа,
Къариб рикIел къариб йифер хкведа,
Вил ала зи хвешерални хъверерал.
Зи хиялар цавун къав хьиз вили я,
Зи мурадар цуьквед риг хьиз мили я,
Лугьумир хьи, сефил я зун, дили я,
РикI ала зи чи убайрал, хуьрерал.
Зи гьисеррихъ часпар авач, цIверзавай,
“Гатфар” лугьуз йифиз-юкъуз цIирзавай,
Бахшнавай заз уьмуьр, катиз-зверзавай,
Мягьтел я зун тIебиатдин сирерал...
ГьикI ятIа?
Yüklə
Гафар Муьзеффер Меликмамедованбур я
Гьикьван вахт я такуна заз хайи хуьр?
Хайи хуьруьн чар булахар гьикI ятIа?
Чар булахрал ихтилатиз хъуьрезвай
Чи сусарин наз-дамахар гьикI ятIа?
Припев
Тамарин къужахда, дерейрин гене
Са къайи булахдихъ къаних хьанва зун.
Са лезги мехъерик, са дагъдин хуьре
Са кьегьал акунихъ дарих хьанва зун.
Гьикьван вахт я акунач заз дере, там,
Къацу багълар - гуьлуьстандиз ухшар тир.
Гуьнед хиве жергедавай чинарар -
Мехъерик физ гьазур хьанвай рушар тир.
Иер я
Yüklə
Гафар Муьзаффер Меликмамедованбур я
Ни лагьанай гуьнед хур,
Гел аватIа иер я?
Низ чидач хьи, лезги хуьр
Мел аватIа иер я.
Тарни майва гъиз жедай,
Майвадиз дад гуз жедай,
Бегьер вири хуьз жедай,
Хел аватIа иер я.
МуьтIуьгъ тежер марфариз,
Вуч гаф ава чIафариз?
Дагъдин вацIни гатфариз
Сел аватIа иер я.
КIанивилин гьава тир,
Ашкъ вине яхъ багьа тир.
Гьар таватдиз ахъа тир
Пел аватIа иер я.
Чан жуванди
Yüklə
I
Аяр я хупI, дуьнья аяр,
ХьайитIани цIаяр, къаяр,
ТIебиатдин гьар пIипI - са яр,
Яд булахдинд, цуьк - суванди.
Чан жуванди!
Припев
РикI ала зи чи мелерал,
Гьатиз кIанда заз чуьллера,
Ашукь я зун чи эллерал,
Лугьузвай заз: «чан жуванди».
II
Гьар бередин дад сака я,
Гьар булахдин яд сака я,
Гьар уьмуьрдин гад сака я,
ХцIиз кIанда рикI жуванди.
Чан жуванди!
III
АлахъайтIан гьиссерин сел,
Уьмуьр кIандач заз, квачир кьел.
КIани дустар, садрани квел,
Гьалт тавурай руьгь яванди.
Чан жуванди!
Жагъидач заз
Yüklə
I
Вун атуй, рагъ атуй, я цIийи гатфар,
Ахъая цавун чин, ракъура марфар,
Илига манидал, илига чарчар,
Масана ви далдам, тафт жагъидач заз.
Припев
Гьеле агакьнавач гатфар, кIура я,
Рагъ цIийиз чранвай таза шура я,
Цуькверин гьармадан атир чара я,
Масана са ихьтин чIаф жагъидач заз.
II
Гуьнеяр сусар хьиз лацу буьшмеда,
Дереяр квахьнава къацу чешнеда,
Булахар! Акъуда зи рикI тешнедай,
ТахьайтIа уьмуьрдин нав жагъидач заз.
ГьикI алудин вун рикIелай
Yüklə
Гафар Муьзаффер Меликмамедованбур я
I
Вуна зи рикI ханватIани,
Мад за вакай фикирзава.
Зун кана чIух хьанватIани,
Вилери вун жагьурзава.
Припев
ГьикI алудин вун рикIелай,
ВучайтIани алуд жедач
Вун кIанид я, зи рикI алай,
РикIевайди къакъуд жедач
II
Гьикьван хьилер авуртIани,
Садрахъ “кIандач” лугьуз жедач.
Вуна инсаф тавуртIани,
Завай яр вун атIуз жедач.
Кьегьалвилин мелерин
Yüklə
Вил вегьена Нисин дагъдин синелай,
Шумудни са дагъ хвена за син алай,
Къефледи хьиз Кьулан вацун винелай
Чарх ягъизвайд чи лекьерин лужар тир.
Сад-садавди агатнавай стхаяр,
Кьакьан дагълар кьунвай чпиз архаяр,
КIватIал хьана вили цавун кавхаяр,
Шадвал авай чIехи элдиз ухшар тир.
Вилив хвена лекьер лезги эллерин,
Суракьна за дегь чIаварин гелерин,
Ша, чна мад кьегьалвилин мелерин,
Талудайвал куьн гьинай тир, вужар тир?!
Захъ вун авай
Yüklə
Зун вулкан тир –
Гурва галай, цIай галай.
Зун тIурфан тир –
Гугрум галай, гьай галай.
Зун маргъал тир –
Гару гъайи ценерал.
Зун булах тир –
Ргазвай тик синерал.
Захъ вун авай, вун авай.
Вулкан амач –
Адан цIаяр туьхвена.
ТIурфан амач –
Ам яргъариз хъфена.
Маргъал амач –
Адан живер цIрана,
Булах амач –
Адан ятар кьурана.
Ни къакъудна вун завай?
Vətən
Yüklə
Hər yurdu öz havası,
Hər eli öz avazı.
Hər quşu öz yuvası-
Oa deyilər vətə.
Nəqarat
Şehdi o, çədi o,
Caımızla tədi o.
Qibləgah axtarmayı,
Aamız vətədi o.
Yüz dəfə deməklə ca,
Kəsilməz yarada qa.
Sə ou odua ya,
Oda öyüər vətə.
Nəqarat
Şehdi o, çədi o,
Caımızla tədi o.
Qibləgah axtarmayı,
Aamız vətədi o.
Yadırsa sobasıı,
Hər kiçik obasıı,
Öz bayram libasıı
Oda geyiər vətə.
Uca tutaq adıı,
İtirməyək dadıı.
Hər igid övladıı
Qəlbidə döyüər vətə.
Nəqarat
Şehdi o, çədi o,
Caımızla tədi o.
Qibləgah axtarmayı,
Aamız vətədi o.
КцIарикай мани
Yüklə
Гьар гатфарихъ хайи муказ илифдай,
Зун КцIариз илифда чубарук хьиз.
Иервилел чIал тахьурай лагьана,
Югъди-йифди минетда за цавариз.
Чилин гирде авуна за кIвачелай,
Мугьман хьана шумудни са динедин.
Заз дуьньядин са пипIени, садрани
Дад жагъанач жуван хайи дигедин.
Чан КцIар зи, чан жуванди,
Дегь чIаваринд, руьгь жаванди.
Адаз тариф, адаз тесниф авани?
Ватан я ам, гуж гуда заз Ватанди.
Квез аян я, кцIарвияр, зи гьиссер,
Зи гъавурда акьадай туш патанди.
ГьинватIа вун?
Yüklə
Ваз яр лагьанай за,
РикI вав вуганай за.
На зун рикIелай алудна,
На зун гьанадлай авудна.
ГьинватIа вун?
ГьикI ятIа вун?
Вун бахтлу яни, лагь,
Вуж я ви кIанид, агь?
На зун рикIелай алудна,
На чарад жував агудна.
Бубадиз чар
Yüklə
Геж хьана ваз кхьей чар,
Гила ам вав агакьдач.
Вун авай къар уьмуьрдиз
Хкун залай алакьдач.
За ваз шиир кхьенач.
За ваз мани туькIуьрнач.
Ви гардандик ккIана,
РикIе эквер куькIуьрнач.
Агатна вав тухдалди,
Рахадай вахт заз хьанач.
А ваз авай заха рикI
Вучиз, буба, захъ хьанач?
Эхна вуна зун патал
Шумудни са тIал буба.
Къе ви тIварни бес я заз,
Дамахун патал, буба.
Такабурдин дагъ буба,
Зи уьмуьрдин рагъ буба.
За дуьньяяр гудай хьи,
Вун хьанайтIа сагъ буба.
Гьажи Давуд
Yüklə
Cа чIав авай, чи цавара
Са рагъ авай Давуд лугьур.
Са чIав авай, чи чилерал
Са дагъ алай Давуд лугьур.
Тур гъилевай са кьвал тир ам,
Садавайни тежедай рам.
Налугьуди, кIватIал тир ам,
Чи дагълар хьиз – тагудай чам.
Гьа чIавалай гьар лезгидин
РикIин къене са сир ава.
Гьа чIавалай мурадра чи
Азадвилин са цIир ава.
Чун агудун патал женгер
ЧIугур кас тир Гьажи Давуд.
Чи рикIера чIехи умуд
Кутур кас тир Гьажи Давуд.
Халкь шад авур, халкь сад авур
Айгьал кас тир Гьажи Давуд.
Ватан хвейи такабурдив,
Кьегьал кас тир Гьажи Давуд.
Гатфарин цIиг
Yüklə
Без текста
Мектебдин гимн
Yüklə
Чун уьмуьрдин шегьредихъ физ
Гьазур хьанвай жегьилар.
Мектебдин дад верцIи тирди
Чаз чир хьанва игила.
Чубарукри лув гудайвал
ЧIехи хьайла мукарай,
Чун мурадрихъ хкаж жеда
Чи Ватандин рагарай!
Чаз мектебди хъсанз чирна
Четинвилер ийиз рам.
Гьазур я чун женг ч1угуна,
Дуьньядилай къачуз кам.
Бес вучиз?
Yüklə
Бес вучиз?
Вуна гьикI лагьанай: “Зун яргъал рекьиз,
Къе рекье гьатзава, са варз вуч я кьван?”
Завай лугьуз хьанач: ша, икI рахамир,
Са варз са уьмуьр я, къанницIуд йикъан.
Гьеле ракIарилай гел атIанвачиз,
Кватнава рикIикай чаравилин къван.
ФизватIа, хъсан рехъ! Бес вучиз вуна,
И дуьнья авунва заз икьван такIан?..
Вучда вун тахьайла за шадвиликай?
Вун галаз гъамара аваз жеда зун.
Вучда чимерикай вун авачтIа за?
Ви рекьер хуьдалди аяз жеда зун.
Гьеле ракIарилай гел атIанвачиз,
Кватнава рикIикай чаравилин къван.
ФизватIа, хъсан рехъ! Бес вучиз вуна,
И дуьнья авунва заз икьван такIан?..
Иер дуьнья
Yüklə
Иер дуьнья
Вун рикIелай алудиз кIанз,
Пара крар авуна за.
Вун кьакьанрай авудиз кIанз,
Цавук гурар кутуна за.
Иер дуьнья гвечIи хьайла,
Вун авачиз ичIи хьайла,
Галукьна зи япухъ ви ван:
“Дуьнья валди иер я кьван!”
Маса виляй килигна за,
Маса тIварар гилигна за,
Гекъигна вун чарабурув,
Агатна зун парабурув.
Иер дуьнья гвечIи хьайла,
Вун авачиз ичIи хьайла,
Галукьна зи япухъ ви ван:
“Дуьнья валди иер я кьван!”
Яргунат
Yüklə
"Яргунат"
Экуьн яру яралай,
«Яр» булахдал яр алай.
Заз Яргуна са иер
Яр акуна яралай.
Ярдин тIвар Яргунат,
Ярдин кIвал Яргуна.
Яр авай Яргунай
Гьиниз фин яр туна?
Чилер-цавар заха хьухь,
Гъверигъверар ахъа хьухь.
Я Яргунин иерди,
Ша зи вахаз баха хьухь.
© 2016 Sədaqət Kərimova - Şəxsi veb-sayt. Bütün hüquqlar qorunub. Məlumatlardan istifadə etdikdə sayta istinad mütləqdir.
Sayt A2Studio tərəfindən yaradılıb