Поэзия

Гум, гум

Гум, гум, зал къвемир,

Далдам алай къавал вач.

Гъам, гъам, зал къвемир,

Чил гадара, цавал вач.

Циф, циф, зал къвемир,

Тежедайвал чIимел, вач.

Йиф, йиф, къал мийир,

Яргъал хуьруьн кимел вач.

Нагъв, нагъв, зал къвемир,

Алцурариз, марф лугьуз.

Жуван чIалар зав гумир,

Элиф лугьуз, гьарф лугьуз.

ТIал, тIал, зал къвемир,

Яргъи ийиз фикирд рехъ.

Вач, вач, алад вач,

Амач захъ на лугьур регъв.

Дерт, дерт, зал къвемир,

Аман амач зи чанда.

Дерт, дерт, зал къвемир,

Вун авачир пIипI кIанда.

Гум, гум, къачу гъил,

Зи вилериз гъимир нагъв.

Гум, гум, атIутI вил,

Зи гьиссериз гумир тIагъ.

Гум, гум, зал къвемир,

Зи рекьера къекъвемир.