Поэзия

Са дуст кIанда

Дуьзд лугьумир какурдаз,

Бендегуьрдаз, такурдаз.

Нисинлай югъ акурдаз,

Лугьумир гаф рикIевай.

Кьегьалди! Гаф лагь атIай.

Кагьалди! Жеч гаф кьатIайд.

Инсан рекьиз кIандатIа,

Алуда ам рикIелай.

Гафар - хцид, серинди,

Гафар - мана деринди,

На абурун ширинди,

Дустуниз лагь рикI алай.

Дуствал ятIа багьади,

Дуст къелкъведан багьнадик?

ГьалчайтIа гаф тегьнедик,

КIан жемир ам рикIивай.

Дуьньяди кIур гайила,

Гъамари хур кайила,

Ви гьалар чIур хьайила,

Са дуст кIанда рикI авай!