Поэзия

Хьанач, хьанач

За лагьайвал хьанач, хьанач,

Зи рикIин экв канач, канач.

Зи Гьуцари вучиз ятIа,

Заз кIандайди ганач, ганач.

Уьмуьр сад я, мурад пара,

Гьар дердиниз жедач чара,

АматIа къе гебе тара,

Зи чешниди гъанач, гъанач.

Зун чIугвар я - гад чIугвадай,

Зун чIудхар я - яд чIугвадай,

Хару шив я - фад чуквадай,

Заз секинвал хьанач, хьанач.

КIапIал амач - там хъижедай,

Гъалар амач - гам хъижедай,

Фикир амач - гъам хъижедай,

За лагьайвал хьанач, хьанач.

АлатIани виш хер рикIел,

Мад бахтуник я зун цIигел,

Вуч хъсан я, шиирдин хьел,

Илгьамдин пер ханач, ханач.