Поэзия

Вуч жеда?

Гъам илифай вилериз,

Накъвадивай вуч жеда?

Харари гатанвайдаз

Юргъадивай вуч жеда?

Къвалак гъуьлягъ хвейидаз,

Икщ вичин цIу кайидаз,

Жуванда тIал гайидаз

Яргъалдавай вуч жеда?

Гьар гафуни хъуьм авур,

Гьар кIвалахди гум авур,

Гьар камуни “тум” авур

Ягъалдавай вуч жеда?

Дуьньядин виш чин акур,

Гьар патахъай гъуд акьур,

Фикирдикай юкь какур

Кьегьалдивай вуч жеда?