Поэзия

Чан дидедин

Чан дидедин, вун масакща акуна заз и гъилера,

Чан дидедин, гъам авай хьи, ви вилера.

Пел ачуха, чукщура на фикиррин циф,

Лув ахъая, чан чи кщвалин бахтавар лиф.

Сабурлу хьухь, алатдайд я гьар мичщи йиф,

Виляй накъвар авахьдайд я, чан дидедин,

Дердер вири алахьдайд я, чан дидедин.

Дуьнья я им - гьар жуьредин крар авай,

Дуьнья я им - ял тежедай парар авай.

Дуьнья я им - нагагь къвадай харар авай,

Дарвилериз эхиз чира, чан дидедин,

Жуван рикщиз рехъиз чира, чан дидедин.

Дуьнья я им - хъсандни пис къвал-къвалавай,

Уьмуьр я им - дустни душман цал-цлавай.

Жуван гъилив туьхуьрайтща цщай къулавай,

Ам куьхкщуьрун регьят жедач, чан дидедин,

Къакъатайла ахгат жедач, чан дидедин.

Уьмуьр я им - гьалзавайдаз гзаф четин

Куьн - аялар гъвечщи чщавуз тщал я метщин,

Чщехи хьайла рикщи дердер ийиз фитщин,

Акваз-такваз рехи жеда, чан дидедин,

Икьван крар эхиз жедан, чан дидедин.